Zeremi 7:24 - Labib An Kreol Seselwa

²⁴ Me zot pa'n ni obei, ni ekout mwan. Dan zot lantetman, zot in deside swiv sa ki zot move leker ti dir zot fer. Zot in elwanny zot ek mwan e zot in vir zot ledo kont mwan.

Zeremi 7:24 ပူးပေါင်းရင်းမြစ်များ

Nehemi 9:29

Ou ti sipliy zot ankor, pour obeir ou lalwa. Me zot ti vin arogan e zot pa ti obei ou bann komannman. Zot ti fer pese kont ou bann regleman ki donn lavi sa enn ki met zot an pratik. Zot ti rebel e arogan; zot ti refize obei ou.

Psonm 81:13

Mon ti ava kontan si mon pep ti ekout mwan, si Izrael ti swiv mon semen!

Zeremi 13:10

Zot en pep rebel ki refize obei mwan. Dan zot lantetman, zot in kontinyen swiv zot prop dezir; zot in kontinyen ador e servi lezot bondye. Alor, zot pou vin parey sa sang ki nepli bon pour nanryen.

Zeremi 13:11

Annefe, SENYER i deklare, parey en zonm i ser en sang otour son leren, mon ti'n atas rwayonm Zida ek rwayonm Izrael otour mwan. Mon ti fer sa pour ki zot vin mon pep, en size loner e laglwar pour mwan. Me zot pa'n oule obei mwan.

Zeremi 15:6

Ou'n rezet mwan, SENYER i deklare. Ou'n vir ou ledo avek mwan. Alor, mon pran aksyon pour mwan pini ou, akoz mon fatige pran konpasyon anver ou.

Zeremi 16:12

Me zot, zot in fer pli pir ki zot zanset: Zot tou, zot kontinyen reste dan lantetman e zot pa oule ekout sa ki mon dir zot.

Zeremi 17:23

Me zot pa'n ekoute, zot pa'n ouver zot zorey. Zot in reste dan zot lantetman; zot in refize obei e resevwar okenn leson.

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Zeremi 18:10

Me si sa nasyon i dezobei mwan e i pa ekout mwan, alor, mon pou sanz mon lide lo dibyen ki mon ti pou al fer.

Zeremi 18:12

Zot pou reponn: Akfer nou bezwen sanze? Nou pou fer sa ki nou'n deside; nou pou swiv nou bann move lentansyon.

Zeremi 2:27

Zot dir avek en bondye an bwa: Ou menm mon papa! E avek en stati ros: Ou ki'n donn mwan lavi! Olye met ou konfyans dan mwan, ou'n tourn ou ledo avek mwan. Me zour ou pou dan traka, ou pou kriye: Leve! Vin sov mwan.

Zeremi 22:21

Mon ti averti ou kan tou ti pe al byen pour ou. Me ou ti dir: Mon pa tande. Ou'n touzour azir konmsa depi ou ti ankor pti. Ou pa'n zanmen oule obei mwan, ou SENYER.

Zeremi 23:17

Zot osi dir avek bann dimoun ki napa respe pour mwan: SENYER in dir ki tou pou al byen pour zot. Avek sa bann ki reste dan zot lantetman, ki swiv zot prop mannyer fer, zot dir: Maler pa pou tonm lo zot.

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

Zeremi 3:17

Kan sa zour i arive, Zerizalenm pou ganny apele Tronn SENYER e tou bann pep pou rasanble la, pour rankontre mwan. Zot pou nepli swiv dezir zot move leker.

Zeremi 32:23

Zot ti vin dan sa pei ki zot ti pran posesyon. Me zot pa ti ekout ou lavwa, ni obei ou komannman; zot pa ti viv dapre ou lalwa; zot pa ti fer nanryen sa ki ou ti'n ordonn zot fer. Pour sa rezon ki ou ti fer tou sa bann maler tonm lo zot.

Zeremi 32:33

Olye tourn zot figir ver mwan, zot in vir zot ledo. Pourtan, mon pa'n zanmen arete averti zot; me zot pa'n oule ni ekoute ni aprann.

Zeremi 35:15

Mon'n touzour anvoy bann profet, mon bann serviter, pou dir zot: Sakenn parmi zot, abandonn zot move lavi, sanz zot konportman; aret ador lezot bondye. Alor, zot ava reste dan sa pei ki mon'n donn zot ek zot zanset. Me zot pa'n ekoute, ni pran ka.

Zeremi 6:16

La sa ki SENYER deklare: Aret en kou; plas ou lo krwaze semen; demande oli sa semen lontan, sa bon semen, swiv li e ou ava viv dan trankilite. Me zot in dir: Non! Nou pa pou swiv sa semen!

Zeremi 7:26

Malgre sa, zot pa'n ekout mwan, ni menm port atansyon. O kontrer, zot in vin pli antete e pli revolte ki zot zanset.

Zeremi 8:5

Alor, akoz pep Zerizalenm ki'n egare, i persiste dan son move semen? Zot kontinyen ador bann fo bondye e zot refize retourn ver mwan.

Zeremi 9:14

Zot in prefere reste dan zot lantetman; zot in al ador bann fo bondye Baal, parey zot bann zanset in montre zot.

Ezekyel 20:13

Me pep Izrael ti revolte kont mwan dan dezer. Zot pa ti swiv mon bann lalwa e zot ti rezet mon bann regleman ki zonm devre obei pour viv. Zot in montre mepri pour mon saba. Dan mon lakoler, mon ti anvi detri zot dan dezer.

Ezekyel 20:16

Akoz zot ti rezet mon bann regleman, zot pa'n obei mon bann lalwa e zot pa'n gard mon saba. Zot in prefere ador bann zidol.

Ezekyel 20:21

Me sa bann zanfan ti revolte kont mwan, zot pa ti obei mon bann lalwa; zot pa ti swiv mon bann regleman ki zonm i devre obei pour viv. Me zot in profann mon saba. Alor, mon ti'n pare pour tir mon gran lakoler san okenn kontrol lo zot dan dezer.

Ezekyel 20:8

Me zot ti revolte kont mwan e refize ekout mwan. Personn pa'n oule abandonn sa bann lobze degoutan ki ti atir zot lizye, ni rezet bann zidol Ezipsyen. Alor, mon ti annan lentansyon tir mon gran lakoler lo zot san okenn pitye e les zot ale ziska Lezip.

Danyel 9:6

Nou pa'n ekout ou bann serviter, bann profet. Zot ti koz lo ou non avek nou bann lerwa, nou bann sef, ek nou bann zanset, e avek tou bann pep sa pei.

Oze 10:6

I pou ganny ofer avek lerwa Asiri koman en kado pour sa gran lerwa. Efraim pou dan laont. Izrael pou onte avek son bann proze.

Oze 4:16

Izrael i retif parey en zenis ki refize bouze. Eski SENYER pou tret li parey mouton dan laplenn?

Mise 6:16

Ou'n gard bann lalwa Omri, e tou bann pratik lafanmir Akab; ou'n swiv tou zot konsey. Alor, mon pou detri ou lavil; dimoun pou monk bann zabitan e ou pou tonm dan laont.

Zakari 7:11

Me zot ti refize ekoute. Zot ti tourn ledo e bous zot zorey pour zot pa tande.

Deterononm 29:19

Zot tou ki'n antann bann parol sa serman, pa felisit zot lekor par dir dan zot leker: Nou an sekirite menm si nou persiste dan nou move konportman, konmsi later ki'n ganny aroze, nepli swaf.