Zeremi 7:21 - Labib An Kreol Seselwa

²¹ La sa ki SENYER liniver, Bondye Izrael i deklare: Azout zot bann sakrifis konplet avek zot bann sakrifis e manz son lavyann.

Zeremi 7:21 ပူးပေါင်းရင်းမြစ်များ

Psonm 50:8

Mon pa akiz ou akoz ou bann sakrifis; ou'n touzour ofer mwan bann sakrifis konplet.

Ezai 43:23

Ou pa'n anmenn ou mouton pour ofer mwan bann sakrifis konplet, ni onor mwan avek ou bann sakrifis. Mon pa'n obliz ou ofer bann lofrann ni fatig ou pour ofer lansan.

Zeremi 14:12

Menm si zot fer en zenn, mon pa pou ekout zot lapriyer; menm si zot ofer mwan bann sakrifis konplet ek lofrann vezetal, mon pa pou aksepte. O kontrer, mon pou detri zot par lager, lafanmin ek lepidemi.”

Zeremi 6:20

Mon pa bezwen lansan ki sorti dan pei Saba, oubyen dibwa parfimen ki sorti dan pei etranze. Mon pa bezwen bann zannimo ki zot brile lo lotel; zot bann sakrifis pa fer mwan plezir.

Ezekyel 33:25

Alor, dir zot: La sa ki Senyer BONDYE i deklare: Zot manz lavyann avek son disan, zot ador zot bann zidol, zot fer krim, zot krwar zot pou kapab pran posesyon sa pei?

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Deterononm 12:27

Ou ava prezant ou bann sakrifis konplet, bann lavyann ek disan, lo lotel SENYER, ou Bondye. Disan ou lezot sakrifis ava ganny verse akote lotel SENYER, ou Bondye, me ou ava kapab manz lavyann.