Zeremi 7:20 - Labib An Kreol Seselwa

²⁰ Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Zeremi 7:20 ပူးပေါင်းရင်းမြစ်များ

2 Rwa 22:17

Akoz zot in abandonn mwan e ofer lansan devan lezot bondye, en tel pwen ki zot in ofans mwan par tou sa ki zot in fer, mon lakoler kont sa landrwa in monte, e i pa pou kalme.

Ezai 10:17

Lalimyer Izrael pou vin en dife; Bondye sen pou vin en laflanm ki pou brile e devor bann zarbis pikan ek bann brousay dan en sel zour.

Ezai 42:25

Pour sa rezon ki i devers lo son pep larder son lakoler e vyolans lager. I'n met dife partou, me zot pa'n oule konpran; i'n bril tou, me zot pa'n pran kont.

Ezai 66:24

Ler zot pou sorti, zot pou war kadav bann zonm ki'n revolte kont mwan. Zot bann lever pa pou mor, zot dife pa pou tennyen; zot pou en keksoz degoutan pour tou dimoun.

Zeremi 11:16

Otrefwa, SENYER ti donn ou, ou pye zoliv ki annan zoli fey e ki plen avek bann zoli fri. Me dan milye en gran tanpet, SENYER pou met dife avek sa pye zoliv e tou son bann brans pou ganny brile konpletman.

Zeremi 12:4

Later i sek, zerb in fletri. Zannimo ek zwazo pe mor. Tousala, akoz mesanste sa bann dimoun ki'n dir: Bondye pa war sa ki nou pe fer.

Zeremi 14:16

Sa bann dimoun avek ki zot in anons lavenir, zot osi, zot pou mor dan menm fason. Zot lekor pou ganny zete dan bann lari Zerizalenm, e pa pou annan personn pour anter zot. Sa pou ariv avek zot tou: Fanm, garson ek fiy. Mon pou fer zot mesanste retonm lo zot menm.

Zeremi 17:27

Me si zot pa ekout mwan, si zot pa obzerv sa zour saba koman en zour sakre, si zot kontinyen pas avek pake dan bann laport Zerizalenm, alor mon pou met dife dan sa bann laport lavil. Sa dife ki pa pou zanmen tennyen, pou detri bann pale dan Zerizalenm.

Zeremi 17:4

Ou pou bezwen rann sa pei ki mon ti'n donn ou. Mon pou fer ou vin lesklav dan en pei lennmi ki ou pa konn ditou, akoz ou'n fer mon lakoler alimen parey en dife ki pa pou zanmen tennyen.

Zeremi 18:23

SENYER! Ou konn byen tou zot bann konplo pour touy mwan. Pa oubliy zot krim; pa pardonn zot pese. Fer zot tonbe devan ou. Pa les zot sape devan ou lakoler.

Zeremi 21:12

Zot ki sorti dan lafanmir David, la sa ki SENYER i deklare: Pratik vre lazistis tou le bomaten. Delivre bann ki pe ganny kraze anba lanmen bann ki pli for. Sankwa, akoz zot bann move aksyon, mon lakoler pou eklate parey en dife, ki personn pa kapab tennyen.

Zeremi 42:18

Annefe, la sa ki SENYER liniver, Bondye Izrael i deklare: Sa lakoler ki mon ti devers lo zabitan Zerizalenm, mon pou fer li tonm lo zot, si zot al Lezip. Zot pou antre dan proverb malediksyon e pour ensilte dimoun. Zanmen zot pou revwar sa pei ankor.

Zeremi 44:6

Alor, parey en dife, lavyolans mon lakoler e mon lendinyasyon in bril bann lavil Zida e bann lari dan Zerizalenm. Tou i an rin, tou i zis en dezer ziska ozordi.

Zeremi 6:11

Mon ranpli avek lakoler SENYER, ki bril dan mwan; mon nepli kapab tenir. Tir ou lakoler lo bann zanfan dan lari, lo tou bann zennzan. Tou dimoun pou ganny deporte, mari ek fanm; menm bann vyeyar. Personn pa pou ganny eparnyen.

Zeremi 6:12

Zot lakaz pou pas dan lanmen en lot dimoun, ansanm avek zot later ek zot fanm, SENYER i deklare. Wi! Mon pou pini zabitan sa pei.

Zeremi 8:13

Mon'n deside fini avek zot tou: Nepli annan rezen dan plantasyon; lo pye fig napa okenn fri; son bann fey in fletri. Alor, mon pou les bann etranze pran sa ki mon'n donn zot. SENYER ki deklare.

Lamantasyon 4:11

SENYER in les deborde son lakoler; i'n repann son lakoler partou. I'n alim en dife dan Zerizalenm ki'n bril ziska son fondasyon.

Ezekyel 22:22

Mon pou fonn zot parey larzan i ganny fonn dan dife. Alor, zot ava konnen ki mwan menm SENYER ki'n devers mon lakoler lo zot.

Ezekyel 7:12

Letan in arive, sa zour pe aprose! Bann aster pa bezwen selebre, bann vander pa bezwen aflize, akoz en gran lakoler pou tonm lo tou dimoun.

Ezekyel 7:14

Tronpet in soufle, tou in pare, me personn pa pe al lager, akoz mon lakoler in monte kont sa pep antye.

Danyel 9:11

Izrael antye in pas akote ou lalwa e i'n detournen san ekout ou parol. Alor, bann malediksyon ki asosye avek bann serman dan lalwa Moiz, serviter Bondye, in ganny deverse lo nou, akoz nou bann pese.

Levitik 26:28

mwan osi, mon pou osi kontinyen opoz zot avek lakoler. Mon pou koriz zot set fwa plis pour zot bann pese.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Sofoni 1:2

La sa ki SENYER i deklare: Mon pou konpletman detri tou sa ki lo later.

Sofoni 1:3

Mon pou fer disparet tou et imen ek tou zannimo, bann zwazo dan lesyel ek bann pwason dan lanmer. Mon pou fer tonbe bann malfeter ek bann ki pous zot pour mal azir. Mon pou fer disparet tou bann et imen lo later, SENYER ki deklare.

Zakari 7:12

Zot ti andirsi zot leker parey granit, pour zot pa ekout lalwa e bann parol ki SENYER liniver ti anvoye par son souf, par lentermedyer bann ansyen profet. Sa ti fer SENYER liniver pran en gran lakoler.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Matye 3:12

Son fours i dan son lanmen, pour li separ lagrenn ek lapay. I pou anmas lagrenn dan son langar rezerv, me i pou bril lapay dan dife ki pa zanmen tennyen.”

Revelasyon 14:10

li osi, i pou bwar diven lakoler Bondye ki'n ganny verse san melanz, dan lakoup son lakoler. I pou ganny tourmante dan dife ek souf, devan bann lanz sen e devan Zenn Mouton.