Zeremi 7:18 - Labib An Kreol Seselwa

¹⁸ Zanfan i al ranmas dibwa, zonm i alim dife e fanm i prepar lapat pour fer gato pour zot ofer Astarte, sa bondye ki zot apel larenn lesyel. Pour eksit mon lakoler, zot osi fer lofrann diven sa bann bondye etranze.

Zeremi 7:18 ပူးပေါင်းရင်းမြစ်များ

1 Rwa 14:9

Ou, ou'n azir pli mal ki tou sa bann ki ti avan ou. Ou'n provok mon lakoler an fabrikan bann bondye etranze ek zidol an metal; ou'n rezet mwan.

1 Rwa 16:2

Mon'n tir ou dan lapousyer e mon'n elev ou pour etabli ou sef mon pep Izrael. Ou'n azir parey Zeroboanm, e ou'n fer mon pep Izrael tonm dan pese, e ou'n provok mon lakoler avek zot bann pese.

Psonm 16:4

Dimoun ki swazir en lot bondye pou konn en kantite soufrans. Mon pa pou pran par dan zot bann sakrifis disan. Zot non pa pou sorti dan mon labous.

Ezai 3:8

Zerizalenm in degrengole; rwayonm Zida in tonbe, akoz zot parol ek zot aksyon in kont SENYER. Zot in revolte devan son laglwar.

Ezai 57:6

Parmi bann ros poli dan vale, sanmenm sa par ki vin pour zot. Zot in ofer sakrifis labwason; zot in anmenn sakrifis sereal. Eski zot krwar ki tousala i kapab apez mwan?

Ezai 65:11

Me sa bann ki ti abandonn SENYER, ki ti oubliy mon montanny sakre, ki ti dres en latab pour bondye lasans, e ti ofer bondye desten, lakoup en melanz diven,

Ezai 65:3

en pep ki pa arete ofans mwan anfas; ki ofer sakrifis dan bann zarden e bril lansan lo bann brik;

Zeremi 1:16

Konmsa ki mon pou pini bann zabitan sa pei, pour tou zot mesanste. Zot in abandonn mwan; zot in ofer sakrifis devan lezot bondye; zot in fabrik bann fo bondye ki zot in adore.

Zeremi 11:17

Mwan, SENYER liniver ki ti plant Izrael ek Zida, mon deklare ki zot pou ganny detri. Sa i zot prop lafot, akoz zot in fer sa ki mal; zot in fer mon lakoler monte kan zot ti al ofer sakrifis an loner Baal.

Zeremi 17:2

Parey zot koz lo zot zanfan, zot koz lo zot lotel ek bann poto sakre, bann Asera, anba bann pye dibwa ki ranpli ek verdir, lo oter bann kolin.

Zeremi 19:13

Tou bann lakaz dan Zerizalenm, menm pale lerwa Zida ek tou bann lakaz kot zot in bril lansan an loner bann zetwal dan lesyel, kot zot in prezant lofrann diven avek sa bann bondye etranze, pou ganny deklare enpir parey Tofet.

Zeremi 25:7

Me zot in refize ekout mwan, SENYER i deklare. Olye, zot in fer mwan ankoler avek zot bann fo bondye ki zot in fabrike. Alor, i zot prop lafot si zot ganny pini.

Zeremi 32:29

Bann Babilonyen ki pe atak lavil pou antre, e zot pou met dife partou. Zot pou bril bann lakaz kot bann zabitan ti fer mon lakoler monte kont zot, akoz zot ti bril lansan en loner Baal lo twa lakaz, e ofer diven lezot bondye.

Zeremi 44:25

La sa ki, SENYER liniver, Bondye Izrael i deklare: Avek zot fanm, zot in akonpli avek zot lanmen, sa ki zot ti dir avek zot labous, zot pou fer: Nou pou gard nou promes pou bril lansan e ofer diven an loner larenn lesyel. Tre byen alor! Kontinyen gard zot promes e akonpli bann ve ki zot in fer!

Zeremi 44:4

Pourtan, mwan, mon pa'n arete anvoy zot mon bann serviter, bann profet ki ti dir zot pa fer sa bann keksoz degoutan ki mon pa kontan.

Zeremi 7:17

Ou menm, pa ou war sa ki zot pe fer dan bann lavil Zida e dan bann lari Zerizalenm?

Lamantasyon 5:13

Bann zennzan in ganny abize dan moulen; Bann garson i tonbe anba pwa pake dibwa.

Ezekyel 16:26

Ou ti larg ou avek ou bann vwazen Ezipsyen ki ti annan gro lekor, ou ti kontinyen ogmant ou bann aksyon degoutan pour provok mon lakoler.

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Ezekyel 8:16

I ti anmenn mwan dan lakour enteryer kot lantre tanp SENYER ant vestibil ek lotel kot ti annan apepre 25 zonm. Zot ledo ti tourn avek tanp e zot figir ver Les, zot ti prosternen devan soley.

Ezekyel 8:17

I ti dir mwan, “Ou ki en imen, ou'n war sa? I pa ase ki zabitan Zida i komet sa bann keksoz degoutan isi? Eski zot bezwen ranpli sa pei avek vyolans pour provok mon lakoler plis ankor? Pour ensilte mwan, zot met en brans anba mon nennen.

1 Korentyen 10:22

Eski nou oule fer Senyer zalou? Eski nou krwar ki nou pli for ki li?

Deterononm 32:16

Zot ti rann li zalou avek bann bondye etranze. Zot ti provok li avek bann lobze degoutan.

Deterononm 32:21

Zot ti rann mwan zalou avek bann fo bondye; zot ti provok mwan avek zot bann zidol. Alor, mon pou rann zot zalou avek bann dimoun ki pa en pep, provok zot avek en nasyon fou.

Deterononm 4:19

Kan ou ava lev ou lizye ver lesyel e war soley, lalin, bann zetwal e tou sa ki i annan dan lesyel, pa les ou ganny tante e prosternen devan zot e servi zot. Tousala, SENYER, ou Bondye ki'n donnen avek tou bann pep ki viv anba lesyel.