Zeremi 7:17 - Labib An Kreol Seselwa

¹⁷ Ou menm, pa ou war sa ki zot pe fer dan bann lavil Zida e dan bann lari Zerizalenm?

Zeremi 7:17 ပူးပေါင်းရင်းမြစ်များ

Zeremi 1:16

Konmsa ki mon pou pini bann zabitan sa pei, pour tou zot mesanste. Zot in abandonn mwan; zot in ofer sakrifis devan lezot bondye; zot in fabrik bann fo bondye ki zot in adore.

Zeremi 32:29

Bann Babilonyen ki pe atak lavil pou antre, e zot pou met dife partou. Zot pou bril bann lakaz kot bann zabitan ti fer mon lakoler monte kont zot, akoz zot ti bril lansan en loner Baal lo twa lakaz, e ofer diven lezot bondye.

Zeremi 32:32

Mon pou detri sa lavil, akoz tou sa bann move keksoz ki pep Zida e pep Zerizalenm in komet avek zot bann lerwa, zot bann sef, zot bann pret e zot bann profet.

Zeremi 44:17

Nou pou kontinyen fer tou sa ki nou ti'n promet fer. Nou pou ofer bann lofrann lansan e bann lofrann diven an loner larenn lesyel, parey nou'n fer ziska aprezan e parey nou zanset, nou bann lerwa e nou bann sef ti abitye fer dan bann lavil Zida e dan bann lari Zerizalenm. Dan sa lepok, nou ti annan dekwa manze, nou ti pe prospere, nou ti napa okenn traka.

Zeremi 44:4

Pourtan, mwan, mon pa'n arete anvoy zot mon bann serviter, bann profet ki ti dir zot pa fer sa bann keksoz degoutan ki mon pa kontan.

Zeremi 44:6

Alor, parey en dife, lavyolans mon lakoler e mon lendinyasyon in bril bann lavil Zida e bann lari dan Zerizalenm. Tou i an rin, tou i zis en dezer ziska ozordi.

Zeremi 6:27

Zeremi! Mon'n met ou parmi mon pep, pour ou teste li, parey en travayer i teste metal.

Zeremi 7:16

Zeremi! Pa bezwen priy pour sa pep. Pa bezwen pled dan zot faver avek mwan; pa ensiste avek mwan pour zot, akoz mon pa pou ekout ou.

Zeremi 7:18

Zanfan i al ranmas dibwa, zonm i alim dife e fanm i prepar lapat pour fer gato pour zot ofer Astarte, sa bondye ki zot apel larenn lesyel. Pour eksit mon lakoler, zot osi fer lofrann diven sa bann bondye etranze.

Ezekyel 14:23

Ou ava ganny konsole, kan ou ava war zot konportman. Alor, ou ava konpran ki mon ti annan rezon azir dan sa fason kont li. Senyer BONDYE ki deklare.