Zeremi 7:14 - Labib An Kreol Seselwa

¹⁴ Pour sa bann rezon, mon pou tret sa tanp ki'n ganny konsakre pour mwan, sa tanp dan lekel zot in met zot konfyans, sa tanp ki mon'n donn zot ek zot zanset, mon pou tret li parey mon'n fer avek Silo.

Zeremi 7:14 ပူးပေါင်းရင်းမြစ်များ

2 Rwa 25:9

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

2 Kronik 7:21

Kan dimoun ki pas par la, pou war sa tanp ki ti sitan ganny onore pou demande: Akoz SENYER in fer sa avek sa pei ek sa tanp?

Psonm 78:60

I ti abandonn son demer Silo, landrwa kot i ti reste parmi bann imen.

Ezai 64:11

Nou manifik tanp sakre, kot nou bann zanset ti loue ou, in ganny detri par dife e tou nou bann landrwa lapriyer in osi ganny detri.

Zeremi 12:7

La sa ki SENYER i deklare: Mon'n abandonn Izrael; Mon'n rezet mon nasyon prefere. Mon'n livre sa pep ki mon kontan dan lanmen son bann lennmi.

Zeremi 23:39

Mon pou debaras mwan avek ou e avek sa lavil ki mon ti donn ou ek ou bann zanset.

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

Zeremi 26:4

Ou ava dir zot: Si ou pa obei mon lalwa ki mon met devan ou; si ou pa swiv sa ki mon'n aprann ou,

Zeremi 7:10

Apre tousala, zot vin prezant zot devan mwan, dan sa tanp ki'n ganny konsakre pour mwan e zot dir: Nou'n ganny delivre! Sa i zis pour zot kapab kontinyen fer sa bann aksyon degoutan.

Zeremi 7:12

Mon demann zot alor, al Silo, sa premye lavil ki mon ti swazir kot pour mwan ganny adore. Zot ava war sa ki mon'n fer avek li akoz mesanste Izrael, mon pep.

Zeremi 7:4

Aret krwar dan sa bann fo parol ki zot dir: Sa i tanp SENYER, sa i tanp SENYER, sa i tanp SENYER.

Lamantasyon 2:7

SENYER in rezet son lotel; i'n abandonn son sanktyer. I'n les lennmi detri miray son bann pale. Tapaz dan tanp ti parey en bann zour lafet.

Lamantasyon 4:1

Gete! Lor nepli klate! Lor pir in melanze! Bann ros sorti dan miray tanp i fannen dan tou kwen semen.

Ezekyel 23:31

Akoz ou'n pran menm semen ki ou ser, mon pou plas son lakoup dan ou lanmen.

Ezekyel 24:21

Dir pep Izrael: La sa ki Senyer BONDYE i deklare: Mon pou profann mon sanktyer ki fer lafyerte ou lafors, ki donn ou plezir e satisfer dezir ou leker. Ou bann garson ek ou bann fiy ki ou'n kit deryer pou ganny masakre.

Deterononm 12:5

Me zot ava rod sa landrwa ki SENYER, zot Bondye ava swazir parmi zot bann tribi, pour ki son non i reste prezan, partou kot zot ava ale.

Deterononm 28:52

Dan ou pei antye, i pou anserkle ou partou dan ou bann lavil, ziska ki bann gran miray fortifye kot ou ti krwar ou an sekirite, i tonbe. I ava anserkle ou dan bann lavil, partou dan pei ki SENYER, ou Bondye in donn ou.