Zeremi 7:11 - Labib An Kreol Seselwa

¹¹ Eski zot krwar ki mon tanp in vin en kavern pour bann voler? Annefe, sanmenm sa ki mon war zot pe fer! SENYER i deklare.

Zeremi 7:11 ပူးပေါင်းရင်းမြစ်များ

2 Kronik 6:33

ekout zot depi lao dan lesyel kot ou reste e donn li tou sa ki i demande. Konmsa, tou pep lo later ava konn ou e respe ou parey pep Izrael, ou pep. Zot ava osi konnen ki sa tanp ki mon'n konstri e konsakre, i pour ou.

Ezai 1:12

Lekel ki'n demann ou vin dan mon prezans, dan lakour mon tanp.

Ezai 56:7

mon pou anmenn zot lo mon montanny sakre, donn zot lazwa dan mon tanp. Mon pou aksepte zot bann sakrifis konplet e zot bann don lo mon lotel, akoz mon tanp pou ganny apele en landrwa lapriyer pour tou dimoun.

Zeremi 2:34

Menm ou lenz in ganny tase avek disan bann pov inosan. Ou byen konnen ki sa pa disan dimoun ki ou'n atrape pe kas ou lakaz.

Zeremi 23:24

Personn pa kapab zwe avek mwan ki mon pa pou war li. Eski ou pa konnen ki mon partou dan lesyel e lo later? SENYER i deklare.

Zeremi 29:23

Tousala pou arive, akoz zot in fer en keksoz degoutan dan Izrael: Zot in komet adilter avek fanm zot vwazen e zot in koz manti lo mon non, bann parol ki mon pa ti'n ordonn zot. Mon konnen, e mon temwen tousala. SENYER ki deklare.

Zeremi 7:10

Apre tousala, zot vin prezant zot devan mwan, dan sa tanp ki'n ganny konsakre pour mwan e zot dir: Nou'n ganny delivre! Sa i zis pour zot kapab kontinyen fer sa bann aksyon degoutan.

Ezekyel 35:13

Ou ti dir bann parol arogan kont mwan; mwan menm mon'n tande.

Danyel 9:18

Mon Bondye ekoute! Ouver ou lizye e war nou lavil ki'n konpletman detri, sa lavil kot ou non i ganny envoke. Nou prezant nou siplikasyon devan ou, pa akoz nou'n azir dapre lazistis, me akoz ou gran konpasyon.

Matye 21:13

I ti dir zot, “I'n ekri: Mon lakaz pou ganny apele en lakaz lapriyer. Me zot, zot in fer li vin en kavern voler.”

Mark 11:17

I ti ansenny sa bann dimoun. I ti dir zot, Pa i'n ekri: Mon lakaz pou ganny apele en lakaz lapriyer pour tou nasyon? Zezi ti azoute, “Me zot, zot in fer li vin en kavern bann bandi.”

Levanzil dapre Zan 2:16

I ti dir bann vander pizon, “Tir sa bann zafer isi. Arete fer lakaz mon Papa en bazar.”

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.