Zeremi 7:10 - Labib An Kreol Seselwa

¹⁰ Apre tousala, zot vin prezant zot devan mwan, dan sa tanp ki'n ganny konsakre pour mwan e zot dir: Nou'n ganny delivre! Sa i zis pour zot kapab kontinyen fer sa bann aksyon degoutan.

Zeremi 7:10 ပူးပေါင်းရင်းမြစ်များ

1 Rwa 9:3

SENYER ti dir li: Mon'n antann ou lapriyer ek ou bann siplikasyon ki ou'n fer monte devan mwan. Mon konsakre sa lakaz ki ou'n konstri, en landrwa kot mon pou plas mon non pour touzour. Mon regar ek mon leker pou la toultan.

2 Rwa 21:4

I ti konstri bann lotel dan tanp SENYER, lo ki SENYER ti'n dir: Dan Zerizalenm mon pou plas mon non.

2 Kronik 33:4

I ti etabli bann lotel dan tanp SENYER. Lo sa size SENYER ti'n dir: Mon pou touzour gard mon prezans dan Zerizalenm.

2 Kronik 33:7

I ti plas en stati ki i ti'n fer dan tanp Bondye. Pourtan Bondye ti'n dir avek David ek son garson, Salomon: Isi, dan sa tanp, dan Zerizalenm ki mon'n swazir parmi tou bann tribi Izrael, ki mon pou gard mon prezans pour touzour.

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Ezai 48:2

Zot tir zot lafyerte dan lavil sen e zot depann lo Bondye Izrael ki apel SENYER liniver.

Zeremi 32:34

Zot in plas zot bann stati degoutan dan mon tanp ki'n ganny konsakre pour mwan e zot in rann li enpir.

Zeremi 34:15

Zot, o kontrer, zot in sanz zot lide ki'n fer mwan plezir: Zot tou, zot in met zot dakor pour rann laliberte zot prosen. Zot in fer en lalyans devan mwan dan tanp kot mon non in ganny konsakre.

Zeremi 44:9

Eski zot in oubliy bann krim zot bann zanset, bann lerwa Zida, zot bann fanm, zot menm ek zot bann fanm, zot ti komet dan pei Zida e dan bann lari Zerizalenm?

Zeremi 7:11

Eski zot krwar ki mon tanp in vin en kavern pour bann voler? Annefe, sanmenm sa ki mon war zot pe fer! SENYER i deklare.

Zeremi 7:14

Pour sa bann rezon, mon pou tret sa tanp ki'n ganny konsakre pour mwan, sa tanp dan lekel zot in met zot konfyans, sa tanp ki mon'n donn zot ek zot zanset, mon pou tret li parey mon'n fer avek Silo.

Zeremi 7:30

Annefe, SENYER i deklare, pep Zida in fer sa ki depler mwan: Zot in plas zot bann stati degoutan ki mon deteste dan tanp ki'n ganny konsakre pour mwan, e zot in rann li enpir.

Ezekyel 20:39

La sa ki Senyer BONDYE i deklare: Pep Izrael, sakenn parmi zot, zot kapab al ador zot zidol; apre, zot ava oblize obei mwan. Zot pou nepli profann mon non sen e ofer lofrann devan zot bann zidol.

Ezekyel 23:29

Zot pou tret ou avek laenn e sezi tou bann prodwi ou travay. Zot pou kit ou konpletman touni e met deor an piblik tou ou bann move lavi ek ou prostitisyon.

Ezekyel 23:37

Zot in livre zot dan en lavi adilter; zot annan disan lo zot lanmen. Zot in komet adilter avek zot bann zidol. Zot in menm ofer an sakrifis zot prop zanfan ki zot in donn nesans.

Ezekyel 23:39

Sa menm zour ki zot in ofer sakrifis zot zanfan devan zot zidol, zot in al dan mon sanktyer pour profann li.

Ezekyel 33:25

Alor, dir zot: La sa ki Senyer BONDYE i deklare: Zot manz lavyann avek son disan, zot ador zot bann zidol, zot fer krim, zot krwar zot pou kapab pran posesyon sa pei?

Ezekyel 33:31

Alor, mon pep pou rasanble e asiz devan ou. Zot pou ekout ou, me zot pa pou fer sa ki ou dir zot. Zot pou fer sa ki fer zot plezir e sa ki dan zot prop lentere.

Ezekyel 5:11

Alor, osi vre ki mon vivan, la sa ki mwan Senyer BONDYE mon deklare: Akoz ou'n rann mon sanktyer enpir par ou move konportman, par ou bann aksyon degoutan, mwan osi, mon pou abandonn ou e aret protez ou san pitye.

Danyel 9:18

Mon Bondye ekoute! Ouver ou lizye e war nou lavil ki'n konpletman detri, sa lavil kot ou non i ganny envoke. Nou prezant nou siplikasyon devan ou, pa akoz nou'n azir dapre lazistis, me akoz ou gran konpasyon.

Oze 6:9

Parey bann bandi, bann pret ti pare pour atake, zot touy dimoun lo semen Sikenm. Sa i en laont.

Amos 4:5

Ofer lofrann remersiman avek dipen leve. Proklanm bann lofrann, devan pep Izrael! Sanmenm ki zot kontan! Senyer BONDYE ki deklare.

Sofoni 1:5

Mon pou fer disparet bann ki mont lo twa zot lakaz pour ador bann zetwal; bann ki prostern devan mwan, me ki anmenmtan pe pret serman lo non Molek.

Malasi 3:15

Nou war bann arogan byennere, bann malfeter i prospere. Zot menm teste Bondye e zot pa ganny pini.

Matye 23:13

“Maler lo zot, bann profeser Lalwa ek bann Farizyen! Bann ipokrit! Zot ferm laport Rwayonm Lesyel. Zot menm zot pa antre, e zot pa les antre dimoun ki a kontan antre.

Levanzil dapre Zan 13:18

Mon pa pe koz lo zot tou. Mon konnen lekel ki mon'n swazir. Me fodre ki sa parol Lekritir i realize: Sa enn ki'n partaz mon dipen, in lev son talon kont mwan.

Levanzil dapre Zan 18:28

Granmaten, sortan kot Kaif, Zezi ti ganny anmennen kot pale gouverner Romen. Bann dirizan Zwif pa ti antre, akoz zot pa ti oule vin enpir, pour zot kapab manz repa Pak.