Zeremi 6:8 - Labib An Kreol Seselwa

⁸ Pep Zerizalenm! Aksepte koreksyon. Sankwa, mon pou abandonn ou; mon pou fer ou vin parey en dezer, an landrwa kot personn pa pou kapab reste.

Zeremi 6:8 ပူးပေါင်းရင်းမြစ်များ

Psonm 2:10

Bann lerwa! Azir avek lasazes. Bann dirizan later! Ekout sa lavertisman.

Psonm 50:17

ou ki pa aksepte ganny korize e ki rezet mon parol?

Psonm 94:12

I byennere sa enn ki ou korize SENYER e ki ou ansenny ou lalwa.

Proverb 19:20

Ekout bann konsey e aksepte lenstriksyon; konmsa, plitar, ou ava vin en saz.

Proverb 4:13

Gard lenstriksyon ki ou'n gannyen, pa abandonn li; gard li, akoz i ou lavi.

Zeremi 17:23

Me zot pa'n ekoute, zot pa'n ouver zot zorey. Zot in reste dan zot lantetman; zot in refize obei e resevwar okenn leson.

Zeremi 2:15

Zot kriy avek li parey bann zenn lyon ki fer tande zot lavwa. Zot in detri son pei konpletman. Personn pa reste dan bann lavil brile.

Zeremi 31:19

Nou ti'n tourn lwen avek ou; me apre, nou ti regrete. Ou'n pini nou; aprezan nou rekonnet nou fot. Nou kanmi e nou'n ganny imilye, akoz pese ki nou'n komet dan nou zenes.

Zeremi 32:33

Olye tourn zot figir ver mwan, zot in vir zot ledo. Pourtan, mon pa'n zanmen arete averti zot; me zot pa'n oule ni ekoute ni aprann.

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Zeremi 7:28

Ou ava dir zot: Zot menm sa pep ki pa obei mwan, SENYER zot Bondye; sa pep ki pa oule aksepte lenstriksyon. Laverite in mor; personn nepli nonm sa mo.

Zeremi 7:34

Dan bann lavil Zida e dan bann semen Zerizalenm, pou nepli antann dimoun riye ni war dimoun zwaye; pou nepli antann son rezouisans maryaz. Mon pou fer aret tousala e sa pei pou vin en landrwa devaste.

Zeremi 9:11

Mon pou fer Zerizalenm vin en ta rin, kot zis zannimo sovaz pou viv. Bann lavil Zida pou vin en dezer kot personn pa pou reste.

Ezekyel 23:18

I ti'n tonm dan prostitisyon, tir li touni an piblik; mon ti kit li avek degou, parey mon ti kit son ser.

Oze 2:5

Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Oze 9:12

Menm si zot fer grandi zot zanfan, mon pou pran zot tou, san les en sel. Maler lo zot kan mon kit zot!

Levitik 26:34

Alor, pandan tou sa bann lannen dezolasyon, ler zot ava dan pei zot bann lennmi, zot pei ava dan repo saba. Alor, pei ava repoze e akonpli son bann saba.

Sofoni 3:7

Mon ti dir: Sirman ki lavil ava annan respe pour mwan, ki i ava aksepte ganny korize, e ki mon pa ti ava bezwen egzekit mon bann menas kont li. Me zot ti depese pour azir pli mal ankor.

Deterononm 32:29

Si zot ti saz, zot ti ava'n konpran sa; zot ti ava'n disern zot lavenir.