Zeremi 6:6 - Labib An Kreol Seselwa

⁶ La sa ki SENYER liniver i deklare: Koup pye dibwa pour fer en baraz kont Zerizalenm. Sa lavil i bezwen ganny pini, akoz i ranpli avek vyolans.

Zeremi 6:6 ပူးပေါင်းရင်းမြစ်များ

Ezai 37:33

Alor, la sa ki SENYER i deklare lo size lerwa Asiri: I pa pou antre dan sa lavil, ni tir en sel fles; i pa pou prezant devan li avek son boukliye ni mont en miray latak kont li.

Zeremi 20:8

Sak fwa ki mon bezwen koze, fodre ki mon kriye pour anonse: Vyolans ek destriksyon. SENYER! Akoz mon proklanm ou mesaz, dimoun i ensilte mwan e monk mwan.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Zeremi 32:24

Bann Babilonyen pe mont zot latak, pre avek lavil ki zot pou pran. Lager, lafanmin ek lepidemi pou fer lavil tonm dan zot lanmen. Parey ou war, tou sa ki ou ti dir pe ganny realize.

Zeremi 32:31

Depi zour ki lavil Zerizalenm ti ganny konstri, e ziska ozordi, son bann zabitan in provok mwan e fer mon lakoler monte. Pour sa rezon ki mon pou fer li disparet.

Zeremi 33:4

Annefe, la sa ki SENYER, Bondye Izrael i deklare lo bann lakaz dan Zerizalenm ek bann pale bann lerwa Zida: Zot in ganny detri. Pa servi nanryen konbat kont bann miray ranfor e lite kont bann Babilonyen.

Zeremi 39:1

Dan nevyenm lannen ki Sedesyas ti lerwa Zida dan nevyenm mwan, Naboukodonozor, lerwa Babilonn, ti vin atak Zerizalenm avek tou son bann gerye.

Zeremi 5:29

Pa fodre mon pini sa bann dimoun pour sa, SENYER i deklare? Pa fodre mon revanze kont en nasyon parey?

Zeremi 5:9

Pa i'n ler pour mwan pini zot pour tousala, SENYER i deklare? Pa mon bezwen pran mon revanz lo en tel nasyon?

Ezekyel 4:2

Montre ki i'n ganny anserkle par lennmi. Plas fose ek miray latak kont li. Enstal bann kan ek masin lager kont li toultour lavil.

Ezekyel 5:5

La sa ki Senyer BONDYE i deklare: Kanta Zerizalenm, mon'n plas li dan milye bann nasyon; en kantite pei i antour li.

Danyel 11:15

Lerwa Nor pou vini e enstal miray latak kont en lavil fortifye ki i pou pran. Lafors larme lerwa Sid avek son larme elit, pa pou kapab reziste, akoz zot pa pou ase for pour tenir kont latak.

Sofoni 3:1

Maler lo lavil rebel, lavil koronpi, lavil diktater!

Levanzil dapre Lik 19:43

Annefe, bann zour pou arive pour ou, kan ou bann lennmi pou barikad ou e anserkle ou lo tou kote.