Zeremi 6:30 - Labib An Kreol Seselwa

³⁰ Sa pep pou ganny apele: Larzan san okenn valer, akoz SENYER in rezet li.

Zeremi 6:30 ပူးပေါင်းရင်းမြစ်များ

2 Rwa 17:20

SENYER ti rezet tou bann desandan Izrael; i ti pini zot, e livre zot dan lanmen bann nasyon ki ti depouy zot, ziska ki i ti sas zot lwen avek li.

Psonm 119:119

Ou fer tou bann move dimoun dan pei disparet parey salte. Alor, mon kontan ou bann lord.

Psonm 53:5

Alor, zot pou tranble avek lafreyer, san okenn rezon, akoz Bondye ava fann lezo son bann lennmi partou. Zot ava ganny imilye, akoz Bondye in rezet zot.

Proverb 25:4

Tir verdigri lo larzan, e lorfev ava fer li vin en lobze presye.

Ezai 1:22

Ou larzan in perdi tou son valer; ou diven in ganny koupe avek delo.

Ezai 1:25

Mon pou vir kont ou. Mon pou pirifye ou dan dife, mon pou tir tou ou bann lenpirte.

Zeremi 14:19

Lepep i demann SENYER: SENYER! Eski ou'n vreman rezet Zida? Eski ou'n degoute avek Zerizalenm? Akoz ou'n tap nou sitan for ki nou blesir pa geri? Nou ti annan lespwar, me nanryen bon pa'n ariv nou; nou ti esper gerizon, me lafreyer ki'n anvai nou.

Zeremi 23:33

SENYER ti dir mwan: Zeremi! Si mon pep oubyen en profet, oubyen en pret i demann ou: Ki mesaz sorti kot SENYER? Ki responsabilite i pe met lo nou? Ou ava reponn li: Ou menm ki en fardo pour SENYER! I pou rezet ou, SENYER i deklare.

Zeremi 7:1

La parol ki SENYER ti adres Zeremi:

Zeremi 7:29

La sa ki SENYER i deklare: Pep Zerizalenm! Koup zot seve long ki mark zot konsekrasyon. Zet li lo bann kolin; sant bann kantik dey, akoz SENYER, in rezet sa pep ki'n provok son lakoler.

Lamantasyon 5:22

Eski ou'n vreman rezet nou pour touzour? Eski ou telman ankoler kont nou?

Oze 9:17

Mon Bondye pou rezet zot, akoz zot pa'n ekout li. Zot pou vin eran parmi bann nasyon.

Zakari 11:8

Apre zis en mwan, mon ti sas sa trwa berze. Apre, mon ti perdi pasyans avek bann mouton. Zot osi, zot ti deteste mwan.

Matye 5:13

Zezi ti kontinyen dir: Se zot disel later. Me si disel i perdi son gou, avek kwa ou pou redonn li son gou sale? I pa bon pour nanryen; i ganny zete deor, pour dimoun mars lo la.

Romen 11:1

Alor mon demande: Eski Bondye in rezet son pep? Pa ditou! Mwan menm, mon en Izraelit, en desandan Abrahanm, manm tribi Benzamen.