Zeremi 6:25 - Labib An Kreol Seselwa

²⁵ Pa sorti pour al dan lakanpanny, ni al marse dan semen, akoz lennmi i la, i pe masakre dan tou kote.

Zeremi 6:25 ပူးပေါင်းရင်းမြစ်များ

2 Kronik 15:5

Dan sa lepok, dimoun pa ti kapab deplas an sekirite. Ti annan en kantite dezord partou dan bann pei.

Liv Zob 18:11

Partou kote, lafreyer i anvai li, e pourswiv li.

Psonm 31:13

Mon antann zot fer kalonmni lo mwan; lafreyer i partou otour mwan. Zot tou, zot in groupe kont mwan; zot pe fer konplo pour touy mwan.

Ezai 1:20

Me si zot refize, si zot persiste dan zot revolt kont mwan, zot pou ganny devore. Labous SENYER in deklare.

Zeremi 14:18

Kan mon al dan lakanpanny, mon war zis kadav dimoun ki'n ganny masakre. Kan mon retourn dan lavil, mon war dimoun ki pe mor lafen. Profet avek pret i vwayaz atraver pei; me zot pa konpran nanryen.

Zeremi 20:10

Mon antann dimoun pe dir: Laterer i par tou kote! Denons li! Annou denons li! Tou mon bann zanmi pe espere war mwan tonbe. Zot dir: Si nou esey zwe en trik lo li, alor nou ava pli for ki li e nou ava pran nou revanz lo li.

Zeremi 30:5

La sa ki SENYER i deklare: Nou antann en tapaz ki fer per; en gran lafreyer ki pa anmenn lape.

Zeremi 4:10

Alor, mon ti dir, “Senyer BONDYE, ou'n vreman tronp sa pep; ou'n tronp bann zabitan Zerizalenm. Ou ti asir zot ki pou annan lape, me la, lepe i anba zot lagorz.”

Zeremi 4:5

Al anonse dan Zida! Dir zot: Al proklanmen dan Zerizalenm! Soufle tronpet atraver pei! Kriy byen for avek bann zabitan: Rasanble zot; annou al kasyet dan bann lavil fortifye.

Zeremi 46:5

Akoz mon war zot dan lafreyer? Zot pe rekile? Zot bann gerye in ganny bate; zot in sove osi vit ki zot kapab. Zot pa get deryer zot. Laterer in antour zot, SENYER i deklare.

Zeremi 49:29

Sezi zot bann latant ek zot bann troupo. Tir zot rido ek tou sa ki zot annan. Pran zot samo e dir lepep: Lafreyer i partou!

Zeremi 49:5

Mwan Senyer, BONDYE liniver, mon pou fer lafreyer akapar zot. I pou sorti partou kote e zot pou ganny sase. Pou napa personn ki pou fer zot retournen.

Zeremi 8:14

Lepep i demande: Akoz nou reste la, san nanryen fer? Annou regroup nou dan bann lavil fortifye e esper lanmor pran nou. SENYER, nou Bondye in deside les nou mor. In donn nou delo anpwazonnen pour bwar, akoz nou'n fer pese kont li.

Zeremi 8:15

Nou ti pe espere ki lape ava aranz tou e ki nou ti ava ganny en letan pour nou swanny nou bann blesir. Me nanryen pa'n arive. Olye sa, lafreyer ki'n tap nou.

Lamantasyon 2:22

Ou'n envit mon bann lennmi par tou kote, konmsi en zour lafet. Zour lakoler SENYER ti leve, personn pa'n kapab sape; napa okenn sirvivan. Mon lennmi in masakre bann zanfan ki mon'n elve, e ki mon'n dorlote.

Ezekyel 21:17

Mwan osi, mon pou tap koudpwen. Mon pou satisfer mon lakoler. Mwan, SENYER, mon'n koze.

Ezekyel 7:18

Zot pou anvlop zot dan lenz dey, zot pou konny ansanm avek lafreyer. Zot figir pou kouver avek laont; zot tou, zot pou bezwen raz zot latet telman zot onte.

Levanzil dapre Lik 19:43

Annefe, bann zour pou arive pour ou, kan ou bann lennmi pou barikad ou e anserkle ou lo tou kote.