Zeremi 6:21 - Labib An Kreol Seselwa

²¹ Alor, la sa ki SENYER i deklare: Mon pou met lobstak devan sa pep Dimoun pou tonbe e disparet: Papa ek zanfan, vwazen ek zanmi.

Zeremi 6:21 ပူးပေါင်းရင်းမြစ်များ

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

Ezai 8:14

I pou vin en sanktyer pour sa de rwayonm Izrael; en ros kot ou konny ou lipye; en gro ros ki pou fer ou tonbe; en latrap pour bann zabitan Zerizalenm.

Ezai 8:15

Akoz li, bokou pou tonbe. Zot pou tonbe e ganny blese. Zot pou tonm dan latrap e pri ladan.

Zeremi 13:14

Mon pou bat zot latet ansanm, papa kont zanfan, SENYER i deklare. Personn pa pou ganny eparnyen. Mon pa pou annan okenn bonte, okenn pitye, okenn konpasyon. Personn pa pou anpes mwan detri zot.

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Zeremi 18:21

Alor, les zot bann zanfan mor lafen; fer zot ganny touye dan lager. Pa les zot bann fanm ganny ankor zanfan e ki zot vin vev. Fer ki zot mari i mor avek en lepidemi; e bann zennzan i ganny touye dan lager.

Zeremi 18:23

SENYER! Ou konn byen tou zot bann konplo pour touy mwan. Pa oubliy zot krim; pa pardonn zot pese. Fer zot tonbe devan ou. Pa les zot sape devan ou lakoler.

Zeremi 21:7

SENYER ti deklare: Kanta Sedesyas, lerwa Zida ek son bann sef ek tou dimoun ki'n sirviv lafanmin, lepe ek lepidemi, mon pou livre zot dan lanmen lerwa Naboukodonozor ek bann lennmi ki oule touy zot. Naboukodonozor pou masakre zot tou. I pa pou eparny personn, ni montre konpasyon oubyen pitye anver personn.

Zeremi 8:12

Zot pa ti ni menm onte, kan zot ti komet bann aksyon degoutan. Zot pa ni menm rekonnet zot tor. Alor, SENYER i deklare: Zot pou tonbe avek lezot ki mon pou pini. Personn pa pou kapab leve.

Ezekyel 3:20

Si en dimoun zis i abandonn sa ki byen e konmans pratik sa ki mal, mon pou plas en pyez dan son semen. I pou mor. Si ou pa averti li son danze, i pou mor dan son pese. Son bann bon aksyon pase pa pou servi li; me ou, mon pou fer ou rann kont son lanmor.

Ezekyel 5:10

Akoz sa, dan sa lavil, bann paran pou manz zot zanfan e zanfan pou manz zot paran. Mon pou egzekit mon zizman kont ou e dispers tou bann sirvivan, dan tou kote.

Levitik 26:37

Zot pou tonm enn lo lot, konmsi zot pe sove devan lennmi, san ki personn pe pourswiv zot. Zot pa pou annan lafors pour reziste kont bann lennmi.

Romen 11:9

David osi in dir: Zot festen pou vin en pyez, en latrap ki pou fer zot tonbe e resevwar sa ki zot merite.

Romen 9:33

Annefe, Lekritir i dir: La mon plas dan Siyon, en ros ki fer dimoun tonbe. En ros ki fer zot tonbe. Sa enn ki krwar dan li pa pou dezapwente.

1 Pyer 2:8

Lekritir i osi deklare: Sa i en ros kot dimoun pou ganny konnyen, en ros ki pou fer dimoun tonbe. Zot in tonbe akoz zot pa'n krwar dan Lekritir; sa ti zot desten.