Zeremi 6:16 - Labib An Kreol Seselwa

¹⁶ La sa ki SENYER deklare: Aret en kou; plas ou lo krwaze semen; demande oli sa semen lontan, sa bon semen, swiv li e ou ava viv dan trankilite. Me zot in dir: Non! Nou pa pou swiv sa semen!

Zeremi 6:16 ပူးပေါင်းရင်းမြစ်များ

1 Rwa 8:36

ekout zot depi lesyel. Pardonn pese ou bann serviter, ou pep Izrael. Montre zot sa bon semen kot zot devre marse; fer lapli tonbe lo sa pei ki ou menm ou'n donn ou pep koman en patrimwann.

2 Kronik 19:11

Gran-Pret Amaria ava gid ou dan bann zafer ki konsern SENYER, e Zebadya, gouverner dan rwayonm Zida, ava ou konseye pour bann zafer lerwa. Bann levit ava asiste ou dan ladministrasyon. Pran kouraz e travay for. SENYER i avek sa enn ki azir byen.”

Psonm 116:7

Mon retrouv mon repo, akoz SENYER in fer mwan bokou dibyen.

Ezai 2:5

Desandan Zakob! Vini! Annou mars dan lalimyer SENYER! Larogans pou ganny detri.

Ezai 28:12

I ti'n dir zot: La repo! Les sa ki fatige repoze. Isi i en landrwa trankil! Me zot pa'n oule ekoute.

Ezai 30:21

Ler ou pou al adrwat ou agos, ou pou antann en lavwa deryer ou: La semen; swiv li.

Ezai 46:9

Mazin bann keksoz lontan akoz mwan menm Bondye, napa en lot. Mwan menm SENYER e napa en lot parey mwan.

Ezai 57:2

Me zot ava antre dan lape. Sa bann ki mars drwat ava dormi anpe lo zot lili.

Ezai 8:20

Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

Zeremi 12:16

Si zot senserman aksepte pour viv parey mon pep, si zot pret serman lo non SENYER ki vivan parey zot ti ansenny mon pep fer an loner Baal, alor zot osi, zot ava fer parti mon pep.

Zeremi 18:12

Zot pou reponn: Akfer nou bezwen sanze? Nou pou fer sa ki nou'n deside; nou pou swiv nou bann move lentansyon.

Zeremi 18:15

Me mon pep in oubliy mwan e in al bril lansan devan bann fo bondye ki'n fer li tonbe dan semen, lo semen ki zot ti swiv dan tan lontan e al mars dan bann nouvo santye ki pa ankor trase.

Zeremi 2:25

Izrael! Fer atansyon ou pou fini san sandal e lagorz sek. Me ou dir: I'n tro tar pour mwan sanze; mon kontan bann bondye etranze mon pa kapab aret swiv zot.

Zeremi 22:21

Mon ti averti ou kan tou ti pe al byen pour ou. Me ou ti dir: Mon pa tande. Ou'n touzour azir konmsa depi ou ti ankor pti. Ou pa'n zanmen oule obei mwan, ou SENYER.

Zeremi 31:21

Met bann sinyal tou dilon semen; rapel byen larout ki ou ti pran kan ou ti ale. Izrael ki zoli! Retournen. Retourn dan ou bann lavil.

Zeremi 42:3

Demann SENYER ou Bondye kote nou devre ale e sa ki nou devre fer.”

Zeremi 44:16

Nou refize ekout mesaz ki ou'n dir sorti kot SENYER.

Zeremi 50:5

Zot pou demann semen pour al Siyon. Zot pou tourn ver lavil: Vini e fer en lalyans pour touzour avek SENYER. Zanmen zot pou oubliy sa lalyans.

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Zeremi 7:24

Me zot pa'n ni obei, ni ekout mwan. Dan zot lantetman, zot in deside swiv sa ki zot move leker ti dir zot fer. Zot in elwanny zot ek mwan e zot in vir zot ledo kont mwan.

Zeremi 7:3

Zabitan Zida! Ekout parol ki SENYER liniver, Bondye Izrael i dir: Si zot sanz zot mannyer viv ek zot mannyer fer, mon ava les zot viv dan sa pei.

Malasi 4:4

Rapel byen bann lalwa, bann komannman ek bann regleman, ki mon ti donn mon serviter Moiz lo montanny Horeb pour pep Izrael antye.

Levanzil dapre Lik 16:29

Me Abrahanm ti reponn: Zot annan Moiz ek bann profet pour zot ekoute.

Levanzil dapre Zan 12:35

Zezi ti reponn zot, “Lalimyer i avek zot, me pour ankor en pti pe letan. Pandan ki zot annan lalimyer, kontiny zot semen pour ki fernwanr pa sirprann zot. Sa enn ki mars dan fernwanr pa konnen kote i pe ale.

Levanzil dapre Zan 13:17

Aprezan ki zot konn sa, zot ava ere si zot met li an pratik.

Levanzil dapre Zan 5:39

Zot etidye Lekritir akoz zot mazinen ki zot ava trouv lavi eternel ladan. Zisteman, Lekritir menm ki rann temwannyaz dan mon faver.

Akt de Zapot 17:11

Bann zabitan ti annan en pli bon santiman ki bann Zwif Tesalonik: Zot ti resevwar Parol Bondye avek bokou lentere. Tou le zour zot ti etidye Lekritir pour war si sa ki Pol ti dir zot, ti vre.

Romen 4:12

Abrahanm i osi papa bann sirkonsi, savedir bann ki pa'n zis ganny sirkonsi, me ki mars dapre legzanp lafwa nou papa Abrahanm avan ki i ti ganny sirkonsi.

Deterononm 32:7

Mazin letan pase; rapel bann lannen ki'n pase. Demann ou papa e i ava enform ou; demann ou bann zanset e zot ava rakont ou.

Kolosyen 2:6

Alor, parey ki zot in aksepte Zezi-Kri koman Senyer, kontinyen reste atase avek li.

Ebre 11:2

Akoz zot lafwa, ki nou bann zanset ti resevwar en bon temwannyaz.

Ebre 6:12

Alor, pa fer pares, me swiv legzanp bann ki krwar e ki persevere pour zot erit bann promes Bondye.

Ziz 2:17

Me zot pa ti ni menm ekout zot bann ziz. Zot ti al prostitye avek lezot bondye e prostern devan zot. Tre vit, zot pa ti swiv semen ki zot bann zanset ti swiv, ki ti ekout bann komannman SENYER; me, zot pa ti fer parey.