Zeremi 6:14 - Labib An Kreol Seselwa

¹⁴ Zot pa pran gran ka avek dezas ki frap mon pep. Zot dir ki tou i byen alor ki tou pa pe mars byen.

Zeremi 6:14 ပူးပေါင်းရင်းမြစ်များ

2 Samyel 17:3

Annefe, kan sa enn ki ou pe pourswiv ava'n mor, lepep antye ava retourn avek ou e zot ava viv anpe.”

Ezai 1:6

Depi lipye ziska latet, napa nanryen ki dan en bon leta. Partou i annan boubou ek blesir ki pe sennyen, e ki personn pa'n netwaye, ni panse, oubyen kalme avek delwil.

Ezai 30:10

Zot dir avek bann vwayan: Aret ganny vizyon! E bann profet: Pa anons nou sa ki vre; dir nou keksoz ki gou, sa ki fer nou kontinyen reve.

Ezai 30:26

Sa zour SENYER pou met pansman lo blesir son pep, e geri son boubou. Lalin pou briye parey soley e lalimyer soley pou set fwa pli for, konmsi lalimyer pour set zour.

Zeremi 14:13

Alor mon ti dir, “Malerezman, Senyer BONDYE, bann profet pe dir avek lepep ki pou napa okenn lager ni lafanmin. Dapre zot, ou'n promet ki pou annan en vre lape.”

Zeremi 14:17

La sa ki ou ava dir lepep: Mon lizye i ranpli avek larm nwit e zour; mon pa aret plere, akoz mon pep ki mon kontan parey mon fiy in soufer en kantite. Son blesir i vreman grav.

Zeremi 23:17

Zot osi dir avek bann dimoun ki napa respe pour mwan: SENYER in dir ki tou pou al byen pour zot. Avek sa bann ki reste dan zot lantetman, ki swiv zot prop mannyer fer, zot dir: Maler pa pou tonm lo zot.

Zeremi 28:3

Dan 2 an, mon fer retourn dan sa pei, tou bann lobze ki dan tanp SENYER e ki lerwa Naboukodonozor in anmenn avek li Babilonn.

Zeremi 4:10

Alor, mon ti dir, “Senyer BONDYE, ou'n vreman tronp sa pep; ou'n tronp bann zabitan Zerizalenm. Ou ti asir zot ki pou annan lape, me la, lepe i anba zot lagorz.”

Zeremi 5:12

Sa pep in renye mwan. In dir: SENYER pa pou fer nanryen. Napa okenn maler ki pou tonm lo nou. Nou pa pou soufer ni lager ni lafanmin.

Lamantasyon 2:14

Ou bann profet ti ganny bokou vizyon ki ti zis mansonz pour anbet ou. Si zot ti'n fer ou konn ou fot, ou sityasyon ti ava'n kapab sanze. Me zot mesaz ti zis mansonz.

Ezekyel 13:10

Annefe, zot in tronp mon pep kan zot in dir: Tou i byen! Alor ki tou ti mal. Kan mon pep i konstri en miray, sa bann profet i kontante zis blansi li avek laso.

Ezekyel 13:16

sa bann profet ki ti koz lo Zerizalenm e ki par zot vizyon, ti anonse ki tou i byen, kan nanryen pa ti pe marse. Senyer BONDYE ki'n deklare.

Ezekyel 13:22

Par zot mansonz, zot dekouraz bon dimoun, kan mwan mon pa'n fer li, e zot in ankouraz bann malfeter dan zot mesanste e anpes zot kit zot move konportman. Alor, permet zot viv.

Ezekyel 14:9

Si en profet i les li ganny tronpe e reponn par son prop lotorite, mwan SENYER ki pou tronp li. Mon pou montre li mon pwisans e mon pou fer li disparet parmi mon pep, Izrael.

Mise 2:11

Si en dimoun i pas letan envant mansonz, e anonse: Zot pou ganny diven ek labwason for! Sanmenm kalite profet ki sa pep i oule!

Mise 3:5

La sa ki SENYER i deklare kont bann profet ki'n egar mon pep: Lape, kan zot annan keksoz pour manze. Me zot deklar lager kont sa bann ki pa donn zot manze.

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.

2 Pyer 2:1

Parey ki ti annan bann fo profet parmi pep Izrael, pou osi annan bann fo ansennyan parmi zot. Sekretman, zot pou entrodwir bann fo doktrin destrikter. Zot pou menm renye zot Met ki'n sov zot. Zot pou menm atir destriksyon rapid lo zot.