Zeremi 6:10 - Labib An Kreol Seselwa

¹⁰ Avek ki fodre mon koze? Lekel ki pou ekout mon temwannyaz? Zot in bous zot zorey, pour pa antann mon mesaz. Parol SENYER i en dezoner pour zot. Zot pa pare pour ekoute.

Zeremi 6:10 ပူးပေါင်းရင်းမြစ်များ

Psonm 1:2

O kontrer, i pran plezir dan lalwa SENYER e medit lo son komannman, lizour koman aswar.

Psonm 119:16

Mon pran plezir dan ou bann regleman; mon pa pou oubliy ou parol.

Psonm 119:174

SENYER! Mon pe esper ou delivrans; ou lalwa i rann mwan ere.

Psonm 119:24

Ou bann lord i fer mwan plezir; zot mon bann konseye.

Psonm 119:35

Gid mwan lo semen ou bann komannman akoz mon kontan met zot an pratik.

Psonm 119:70

Zot leker i ensansib, kouver avek lagres; me mon pran plezir dan ou lalwa.

Psonm 119:77

Montre mwan ou mizerikord. Alor mon ava reviv, akoz ou lalwa i donn mwan lazwa.

Psonm 40:8

Mon Bondye! Mon oule fer ou lavolonte. Ou lalwa in grave dan fon mon leker.

Egzod 6:12

Devan SENYER, Moiz ti dir “Si pep Izrael pa'n ekout mwan, ki mannyer Faraon pou ekout mwan, mwan ki napa laparol fasil?”

Ezai 42:20

I war en kantite keksoz, me i pa fer atansyon. Son zorey i ouver, me i pa tande.

Ezai 53:1

Lekel ki'n krwar dan sa ki nou'n tande? Pour lekel ki SENYER in revel son pwisans?

Zeremi 35:13

Al koz avek lepep dan Zida ek bann zabitan Zerizalenm. La sa ki SENYER liniver, Bondye Izrael i deklare: Eski zot ava anfen aksepte swiv mon lenstriksyon e ekout sa ki mon dir zot?

Zeremi 4:4

Zot ki viv dan Zida e zot bann zabitan Zerizalenm, sirkonsi zot pour SENYER. Sirkonsi zot leker pour li. Sankwa, akoz pese ki zot in komet, mon lakoler pou tonm lo zot, e bril zot parey en dife ki pou devaste tou san ki i annan personn pour tennyen.

Zeremi 5:21

Ekout mwan byen, pep tro bet pour konpran. Ou annan lizye, me ou pa war. Ou annan zorey, me ou pa tande.

Zeremi 7:13

Zot in komet tou sa bann pese, SENYER i deklare, mon touzour koz avek zot. Me zot in refize ekout mwan. Mon touzour pe apel zot, me zot pa reponn mwan.

Zeremi 7:26

Malgre sa, zot pa'n ekout mwan, ni menm port atansyon. O kontrer, zot in vin pli antete e pli revolte ki zot zanset.

Zeremi 9:26

Lezip, Zida, Edonm, Amonn, Moab e sa bann ki reste dan dezer ki'n raz zot latet. Bann Izraelit i parey: Zot in ganny sirkonsi, me pa zot leker.

Ezekyel 3:7

Me, bann Izraelit pa pou oule ekout ou, akoz zot pa oule ekout mwan. Zot latet i dir e zot leker i fermen.

Ezekyel 33:3

Kan sa santinel i war lennmi pe vin atak pei, i sonn tronpet e averti zabitan.

Ezekyel 33:9

Par kont, si ou averti li e fer li sanz son konportman, me i pa fer li, i pou mor akoz son fot. Me ou, ou ava sov ou lavi.

Amos 7:10

Amasya ki ti pret dan lavil Betel, ti anvoy en rapor kot Zeroboanm, lerwa Izrael, pour dir: Amos pe fer konplo kont ou dan rwayonm Izrael. Son bann parol pou detri pei.

Matye 3:7

Zan ti war ki en kantite Farizyen ek Sadiseen ti vin kot li pour zot ganny batize. Alor, i ti dir zot, “Ras viper ki zot ete! Lekel ki'n aprann zot esey sap zizman Bondye ki pros?

Levanzil dapre Lik 11:45

Enn bann profeser Lalwa ti pran laparol, “Met! Kan ou koz konmsa, ou pe ensilte nou osi.”

Levanzil dapre Lik 20:19

Sa menm moman, bann profeser Lalwa ek bann gran-pret ti esey atrap Zezi. Me zot ti per lepep. Zot ti konpran ki Zezi ti'n dir sa parabol kont zot.

Levanzil dapre Zan 7:7

Lemonn pa kapab ay zot, me mwan i ay mwan, akoz mon dir sa ki zot fer ki mal.

Levanzil dapre Zan 9:40

Serten parmi bann Farizyen ki ti la, ti antann sa ki Zezi ti pe dir. Zot ti demann Zezi, “Eski, oule dir ki nou osi nou aveg?”

Akt de Zapot 7:51

Zot bann zonm antete; zot leker ek zot zorey pa'n ganny sirkonsi. Zot fermen avek mesaz Bondye. Zot touzour pe reziste Lespri Sen. Zot parey zot bann zanset.

Akt de Zapot 7:60

I ti tonm azenou e kriye avek en lavwa for, “Senyer! Pardonn zot pour sa pese!” Apre sa bann parol, Etyenn ti mor.

Romen 7:22

Dan mwan menm, koman en zonm, mon ganny plezir dan Lalwa Bondye.

Deterononm 29:4

Me ziska ozordi, SENYER pa'n donn zot en lespri disernman pour konpran, ni lizye pour war, ni zorey pour tande.

Kolosyen 1:28

Pour sa rezon, nou pe anons Kris avek tou dimoun. Nou pe averti e ansenny zot tou, avek tou lasazes posib, pour rann zot parfe dan Kris.

2 Timote 4:3

Annefe, en letan pe vini, kan dimoun pou nepli siport lansennyman laverite; me zot pou swiv zot prop dezir. Zot pou rasanble en kantite ansennyan otour zot pour dir zot sa ki zot zorey i oule tande.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.