Zeremi 6:1 - Labib An Kreol Seselwa

¹ Zabitan tribi Benzamen! Sove! Kit Zerizalenm! Al rod proteksyon dan en lot landrwa. Sonn tronpet dan Tekoa; donn lavertisman dan Bet-Kerenm, akoz maler ek gran dezas pe arive sorti dan Nor.

Zeremi 6:1 ပူးပေါင်းရင်းမြစ်များ

2 Samyel 14:2

I ti anvoy sers en fanm byen kapab, Tekoa. I ti dir li, “Fer sanblan ou an dey, met lenz dey, pa parfim ou. Fer konmsi ou an dey pour en mor depi en bon pe letan.

2 Kronik 11:6

Betlehenm,

Nehemi 3:14

Malkiya, garson Rekab, sef distrik Bet-Kerenm, ti repar Laport Fimyen ki i ti konstri e fikse bann batan, bann verou, ek bann bar.

Nehemi 3:5

Bann Tekoit ti osi fer bann travay reparasyon; me zot bann sef ti refize travay anba lotorite zot sef santye.

Zeremi 10:22

Ekout sa nouvel: En gran boulversman pe vini sorti dan Nor; i pou transform bann lavil Zida e fer zot vin parey en dezer kot zis zannimo sovaz ki pou reste.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 4:29

Devan tapaz ki bann kavalye ek bann tirer fles pe fer, bann zabitan pou kit lavil e sove an tayan. En bann pou al kasyet dan lafore, lezot pou al kasyet dan kavern ros. Tou bann lavil pou ganny abandonnen, personn pa pou vin reste la ankor.

Zeremi 6:22

La sa ki SENYER i deklare: En pep ki sorti dan Nor pe vini; sa i en gran nasyon ki sorti byen lwen.

Amos 1:1

La bann parol Amos, en berze sorti Tekoa, dapre sa ki SENYER ti revel li konsernan rwayonm Izrael. Sa ti ariv 2 an avan tranblemandter, dan lepok lerwa Ozyas, lerwa Zida ek Zeroboanm, garson Zoas, lerwa Izrael.

Amos 3:6

Eski tronpet i sonnen dan lavil san fer enkyet bann zabitan? Eski en maler i arive dan en lavil si SENYER pa'n anvoye?

Zakari 6:6

Kales ki bann seval nwanr ti pe trennen, ti pe al dan direksyon Nor pei. Sa enn ki ti'n ganny trennen par bann seval blan ti swiv e al dan direksyon Was pei; sa enn ki pe ganny trennen par bann seval taste, ti pe al dan direksyon Sid.”

Zozye 15:63

Me Tribi Zida pa ti reisi sas bann Zebizit ki ti reste Zerizalenm. Pour sa rezon, bann Zebizit pe viv akote bann fanmir Zida.

Ziz 1:21

Me bann Benzamit pa ti kapab sas bann Zebizit ki ti pe reste Zerizalenm. Pour sa rezon ki ziska ozordi, bann Zebizit in reste Zerizalenm avek bann Benzamit.