Zeremi 52:8 - Labib An Kreol Seselwa

⁸ Me bann gerye Babilonyen ti pourswiv lerwa Sedesyas e atrap li dan laplenn pre Zeriko; tou son bann gerye ti'n ganny disperse; zot ti'n abandonn li.

Zeremi 52:8 ပူးပေါင်းရင်းမြစ်များ

Zeremi 21:7

SENYER ti deklare: Kanta Sedesyas, lerwa Zida ek son bann sef ek tou dimoun ki'n sirviv lafanmin, lepe ek lepidemi, mon pou livre zot dan lanmen lerwa Naboukodonozor ek bann lennmi ki oule touy zot. Naboukodonozor pou masakre zot tou. I pa pou eparny personn, ni montre konpasyon oubyen pitye anver personn.

Zeremi 32:4

Sedesyas, lerwa Zida, pa kapab sape anba pouvwar bann Babilonyen; i pou ganny livre dan lanmen lerwa Babilonn. I pou koz avek li an personn e i ava war li fas a fas.

Zeremi 34:21

Mon pou osi livre Sedesyas, lerwa Zida ek son bann zofisye dan lanmen lennmi ek bann ki oule touy zot. Mon pou livre zot dan lanmen lerwa Babilonn ki pe kit zot.

Zeremi 37:17

En zour, lerwa Sedesyas ti anvoy sers Zeremi e anmenn li kot li. La, lerwa ti kestyonn li an sekre, “SENYER pa'n donn ou okenn mesaz pour mwan?” Zeremi ti reponn, “Wi, i annan.” I ti azoute, “Ou pou ganny livre dan lanmen lerwa Babilonn.”

Zeremi 37:18

Zeremi ti demann lerwa Sedesyas, “Ki krim mon'n komet kont ou, ou bann sef, oubyen ou pep, pour ki ou'n fer met mwan dan kaso?

Zeremi 38:23

Tou ou bann fanm ek ou bann zanfan pou ganny anmennen kot bann Babilonyen; ou osi ou pa pou sape. Lerwa Babilonn pou fer ou prizonnyen e met dife dan lavil.”

Zeremi 39:5

Me bann gerye Babilonyen ti pourswiv zot e atrap Sedesyas dan laplenn pre Zeriko. Zot ti kaptir li e anmenn li Ribla dan teritwar Hamat kot lerwa Naboukodonozor. I ti pas santans kont li.