Zeremi 52:24 - Labib An Kreol Seselwa

²⁴ Sef gard rwayal, ti fer aret Gran-Pret Seraya, son segon, Sofoni ek trwa gardyen laport tanp.

Zeremi 52:24 ပူးပေါင်းရင်းမြစ်များ

2 Rwa 23:4

Lerwa ti donn lord Gran-Pret Hilkiya, bann pret asistan ek bann gardyen laport pour tir dan tanp SENYER tou bann lobze ki ti'n konsakre pour Baal, Asera ek tou bann zetwal. I ti bril tousala dan laplenn Sedron, an deor Zerizalenm e fer anmenn zot lasann Betel.

2 Rwa 25:18

Sef gard rwayal ti fer aret Gran-Pret Seraya, son segon, Sofoni ek trwa gardyen laport tanp.

1 Kronik 6:14

Azarya ti papa Seraya; Seraya ti papa Yosadak.

Esdras 7:1

Apre sa, pandan renny Artakzerzes, lerwa Lapers, en zonm ki ti apel Esdras, ti ariv Zerizalenm. I ti garson Seraya, garson Azarya, garson Hilkiya,

Psonm 84:10

En sel zour dan lakour ou tanp i pli agreab ki mil zour pase dan nenport ki landrwa. Mon ti ava prefere reste devan laport sanktyer mon Bondye, plito ki viv dan latant ranpli avek malfeter.

Zeremi 20:4

Annefe, la sa ki SENYER i deklare: Mon pou fer ou ek ou bann zanmi per zot lonbraz. Avek ou prop lizye, ou pou war lennmi masakre zot tou. Mon pou osi livre Zida anba pouvwar lerwa Babilonn ki pou anvoy zot annegzil Babilonn, kot zot ava ganny masakre.

Zeremi 21:1

Zeremi ti resevwar en mesaz sorti kot SENYER, pour li adres Sedesyas. Lerwa ti'n anvoy Pasour, garson Malkiya avek pret Sofoni, garson Maaseya pou demann li:

Zeremi 29:25

Lo ou prop non, ou'n anvoy bann let kot tou zabitan dan Zerizalenm, kot pret Sofoni, garson Maaseya e tou lezot pret. La sa ki ti'n ekri dan sa bann let:

Zeremi 29:29

Pret Sofoni ti lir sa let avek profet Zeremi.

Zeremi 34:21

Mon pou osi livre Sedesyas, lerwa Zida ek son bann zofisye dan lanmen lennmi ek bann ki oule touy zot. Mon pou livre zot dan lanmen lerwa Babilonn ki pe kit zot.

Zeremi 35:4

Mon ti fer zot antre dan tanp, dan lasal kot bann disip profet Hanann, garson Yigdalia zot abitye rankontre. Sa lasal ti akote sa enn ki rezerve pour bann sef, par lao sa enn kot Maaseya, garson Saloum, pret ki an sarz lantre tanp.

Zeremi 37:3

Pourtan, lerwa Sedesyas ti anvoy Yeoukal, garson Selemia avek pret Sofoni, garson Maaseya, kot profet Zeremi. Zot ti dir li: Priy SENYER nou Bondye pour nou.

Zeremi 52:12

Dizyenm zour, senkyenm mwan, dan diznevyenm lannen renny Naboukodonozor, lerwa Babilonn, Nebouzaradann, sef bann gard lerwa, ti antre dan Zerizalenm.

Zeremi 52:15

Nebouzaradann, sef gard rwayal, ti deport Babilonn leres bann zabitan dan lavil: Bann ki ti'n abandonnen pour al zwenn avek lerwa Babilonn, ansanm avek bann zouvriye kalifye.

Lamantasyon 4:16

SENYER li menm in dispers zot, i pou nepli get zot. Bann pret nepli ganny onore; bann ansyen nepli ganny respekte.

Ezekyel 11:7

Alor, la sa ki Senyer BONDYE i deklare: Ou'n fer lavil vin en marmit e bann ki ou'n touye in vin lavyann ladan. Me ou, ou pou ganny sase dan sa lavil.

Ezekyel 24:5

Pran pli zoli lavyann mouton dan troupo, plas bann lezo an ta dan fon marmit. Bwi li ziska i byen kwi; menm lezo ki dan marmit, fodre i byen kwi.

Ezekyel 34:10

La sa ki Senyer BONDYE i deklare: Mon pou pran aksyon kont bann berze; mon pou fer zot rann mwan kont mon bann mouton. Mon pou repran mon troupo; mon pa pou kontinyen les zot ansarz, pour ki bann berze nepli kontinyen profit lo zot. Mon pou aras mon bann mouton dan zot labous; zot pa pou kontinyen servi zot pour zot nouritir.