Zeremi 51:9 - Labib An Kreol Seselwa

⁹ Nou'n esey swanny Babilonn, me i pa'n kapab ganny geri. Annou abandonn li, annou kit sa pei e retourn kot nou. Son bann zizman in tous lesyel, i'n travers bann nyaz.

Zeremi 51:9 ပူးပေါင်းရင်းမြစ်များ

2 Kronik 28:9

En profet ki ti apel Oded, ti al zwenn larme ki ti pe retourn Samari. I ti dir zot, “SENYER, Bondye ou bann zanset, dan son lakoler kont zabitan Zida in abandonn zot dan ou lanmen. Me ou'n masakre zot avek telman vyolans ki menm lesyel in pran sa an kont.

Esdras 9:6

Mon ti dir li: Mon Bondye! Mon kanmi e mon onte pour lev mon lizye ver ou, mon Bondye; nou bann fot in ogmante lo nou latet, e nou tor in akimile ziska dan lesyel.

Ezai 13:14

Alor, parey en gazel ki pe ganny pourswiv, oubyen, parey troupo mouton san personn pour rasanble zot, zot pou retourn kot zot prop pep; sakenn pou sov dan son pei.

Ezai 47:15

La sa ki pou arive avek sa bann pour ki ou'n rente; sa bann avek ki ou'n trafike depi ou lazenes. Zot tou, zot in ale, sakenn dan son kote; napa personn pour sov ou.

Zeremi 46:16

SENYER in fer tonbe bokou zot bann gerye. Zot tonm enn lo lot, zot dir avek kanmarad: Leve! Annou retourn dan nou pei kot nou bann zans, avan ki lennmi i masakre nou.

Zeremi 46:21

Menm bann mersener byen angrese parey bann toro ti vire e sove san okenn rezistans. Akoz sa zour katastrof ti'n tonm lo zot, zot zour rann kont ti'n arive.

Zeremi 50:16

Anpes sa enn ki senmen antre dan Babilonn; osi sa enn ki servi fosi pandan larekolt. Devan lepe ki detri tou, tou bann etranze pou retourn kot zot pep, zot pou sov dan zot pei.

Zeremi 8:20

Larekolt in ganny fer; sezon lete pe fini. Me nou, nou la; nou pa'n ganny sove.

Oze 7:13

Maler lo zot! Zot in sov lwen avek mwan! Zot pou ganny detri akoz zot in revolte kont mwan. Mon pou delivre zot, me zot dir mansonz kont mwan.

Revelasyon 18:4

Apre, mon ti antann en lot lavwa sorti dan lesyel ki ti dir: Mon pep! Sorti dan sa lavil, pour ou pa partisip dan son bann pese e pour ou pa resevwar en par dan son bann fleo.

Revelasyon 18:5

Annefe, son bann pese in akimile ziska oter lesyel. Bondye pa'n oubliy son bann forfe.