Zeremi 51:62 - Labib An Kreol Seselwa

⁶² Ou ava dir: SENYER! Ou ki ti dir ou pou detri sa landrwa kot okenn kreatir vivan pa pou reste, ni dimoun, ni zannimo. Sa landrwa pou ganny devaste pour touzour.

Zeremi 51:62 ပူးပေါင်းရင်းမြစ်များ

Zeremi 25:12

Apre sa 70 an, mon pou pini zabitan Babilonn ek son bann lerwa pour zot pese, SENYER i deklare. Mon pou detri sa pei e les li an rin pour touzour.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 33:12

La sa ki SENYER i deklare: Dan sa pei ki parey en dezer, e kot napa personn ki viv, ni dimoun ni zannimo, e dan tou son bann lavil, pou annan nouvo landrwa kot bann berze pou kapab vey lo zot mouton ek zot bann kabri.

Zeremi 50:12

Me ou manman ki ti met ou omonn, in ganny kouver avek laont; in perdi tou son loner. I pou vin dernyen parmi bann nasyon; i pou vin en pei dezer, en later sek, kot napa delo.

Zeremi 50:13

Akoz gran lakoler SENYER, personn pa pou vin reste ankor dan Babilonn; i pou ganny konpletman devaste. Tou sa ki pas par la pou soke e ganny sezisman, akoz tou son bann boubou.

Zeremi 50:3

En nasyon sorti dan Nor pe vin atak Babilonn e fer pei vin en landrwa devaste; personn pa pou reste la. Dimoun ek zannimo pou sove.

Zeremi 51:29

Later i tranble; i tranble avek lafreyer kan SENYER i realiz son proze pour fer Babilonn vin en dezer kot personn pa pou vin reste.

Zeremi 51:37

Mon pou fer Babilonn vin en ta ros, kot zannimo sovaz ki pou viv; en landrwa devaste ki pou fer per, En landrwa kot personn pa pou reste.

Zeremi 51:43

Pa gou war son bann lavil; zot in vin en dezer kot personn pa reste, kot personn pa ni menm pase.

Zeremi 51:61

I ti dir Seraya: Kan ou ariv Babilonn, fer sir ki ou lir tou sa ki'n ekri.

Ezekyel 35:9

Mon pou fer ou vin en rezyon devaste pour touzour; personn pa pou reste dan ou bann lavil. Alor, ou ava konnen ki mwan menm SENYER.