Zeremi 51:53 - Labib An Kreol Seselwa

⁵³ Menm si Babilonn ti ava mont ziska dan lesyel; menm si i ti ava ranforsi son bann fortifikasyon, mon pou kanmenm anvoy lennmi pour detri li, SENYER ki deklare.

Zeremi 51:53 ပူးပေါင်းရင်းမြစ်များ

Zenez 11:4

Apre zot ti dir: Annou konstri en lavil avek en tour ki son latet ava tous lesyel. Konmsa, nou ava vin renonmen e nou pa ava ganny disperse partou lo later.

Liv Zob 20:6

Menm si i ti osi gran ki lesyel, e son latet ti kapab tous nyaz,

Ezai 13:17

Mon pe eksit bann Med kont zot. Larzan napa valer pour zot e lor pa nanryen pour zot.

Ezai 41:25

Mon'n apel en zonm sorti dan Nor; i'n arive sorti Les. In ganny apele par son non. I pou kraz bann dirizan parey labou; parey en potye i kraz larzil.

Ezai 47:5

Bann fiy Babilonn! Asiz an silans dan fernwanr. Zot pou nepli ganny apele: Larenn bann Rwayonm.

Ezai 47:7

Ou'n dir: Mon pou reste larenn pour touzour. Ou pa'n reflesir lo tousala; ou pa'n mazin son rezilta.

Zeremi 49:16

Ou larogans i fer ou krwar ki tou dimoun i per ou. Me ou tronpe. Ou reste lao lo latet montanny, dan bann trou ros; me menm si ou viv la anler parey bann leg, mon pou fer ou desann, SENYER i deklare.

Zeremi 50:21

La sa ki SENYER i deklare: Al atak bann zabitan Merataim ek Pekod! Touye! Detri zot tou konpletman. Fer tou sa ki mon'n ordonn ou.

Zeremi 50:25

SENYER in ouver lasal zarm, e in tir zarm son lakoler, akoz li, Senyer BONDYE liniver, i annan en travay pour fer dan Babilonn.

Zeremi 50:45

Alor, ekout sa plan ki SENYER in fer kont Babilonn, e ki lentansyon i annan kont bann zabitan sa pei. San okenn dout, son bann zanfan pour ganny trennen deor, e tou dimoun pour reste soke.

Zeremi 51:11

Fit zot bann fles! Ranpli zot sak! SENYER in revey bann lerwa Med pour egzekit son plan pour li detri Babilonn. Konmsa ki i pou revanze kont sa bann dimoun ki ti detri son tanp.

Zeremi 51:25

Babilonn! Ou parey en montanny ki detri later antye, SENYER i deklare. Mon pou lev mon lanmen kont ou. Mon pou fer ou degrengole depi bann ta ros, e fer ou vin en montanny brile.

Zeremi 51:48

Tou bann kreatir dan lesyel e lo later pou sant zot lazwa lo Babilonn; bann atakan pou sorti dan Nor e pour vin detri sa lavil SENYER i deklare.

Zeremi 51:56

Sa enn ki detri tou, in vin kont li, kont Babilonn; son bann gerye in ganny kaptire, zot lark in ganny kase. Annefe, SENYER i en Bondye ki fer rann kont, e ki fer peye. I pou tret bann Babilonyen parey zot merite.

Zeremi 51:58

Lennmi pou kraz miray epe ki protez Babilonn. Son bann gran laport pou ganny detri par dife. Zefor bann nasyon pa servi dan nanryen. Tou zot travay i fini dan dife, SENYER liniver i deklare.

Danyel 4:30

I ti dir: La sa gran Babilonn ki mon'n konstri pour mon rezidans! Mon'n fer li par mon lafors, par mon pwisans, pour mon loner e mon laglwar!

Amos 9:2

Si zot al kasyet parmi bann dimoun mor, mon pou al sers zot. Si zot mont ziska dan lesyel, mon pou fer zot desann.

Amos 9:4

Si zot bann lennmi i deport zot, mon pou donn lord touy zot. Mon lizye pou reste fikse lo zot, pour zot maler, pa pour zot boner.

Habakouk 2:9

Maler lo sa enn ki fer profi malonnet pour son fanmir. I permet li plas son nik lao dan oter, pour ki maler pa tous li.