Zeremi 51:50 - Labib An Kreol Seselwa

⁵⁰ Ou'n sap lanmor! Ale aprezan! Pa trennen! Menm si ou lwen ek lakour, pa oubliy mwan ki ou SENYER, e rapel ou Zerizalenm.

Zeremi 51:50 ပူးပေါင်းရင်းမြစ်များ

Psonm 122:6

Demann lape pour Zerizalenm. Bann ki kontan ou ava viv trankil.

Ezai 48:20

Sorti dan Babilonn! Sove! Kit bann Kaldeen. Kriye dan lazwa! Proklanmen! Fer tande ziska dan lot bout later. Dir: SENYER in sov son serviter Zakob.

Ezai 51:11

Konmsa, bann ki SENYER in sove ava retournen e sant bann kantik letan zot mont Siyon; pou touzour annan lazwa lo zot figir; zot ava touzour dan lakontantman ek lazwa; zot pou nepli ni sagren ni plere.

Ezai 52:2

Zerizalenm! Leve, sorti dan lapousyer. Repran ou plas! Fiy Siyon! Detas sa lasenn kaptivite dan ou likou!

Zeremi 31:21

Met bann sinyal tou dilon semen; rapel byen larout ki ou ti pran kan ou ti ale. Izrael ki zoli! Retournen. Retourn dan ou bann lavil.

Zeremi 44:28

Sof en pti group ki pa pou ganny eksterminen, e ki pou kit Lezip pour retourn Zida. Me sa restan dimoun ki sorti Zida e ki'n vin viv dan pei Lezip pou rekonnet lekel parol ki pe ganny realize: Mon parol, oubyen zot parol!

Zeremi 50:8

Sove dan Babilonn! Kit pei bann Kaldeen! Fer parey bann bouk ki diriz en troupo.

Zeremi 51:45

Mon pep! Sorti dan sa lavil! Sov ou lavi devan gran lakoler SENYER.

Zeremi 51:6

Sove dan Babilonn! Sakenn sov son lavi! Pa les zot ganny touye par lafot Babilonn. Ler in arive pour SENYER pran son revanz e pini li parey i merite.

Ezekyel 6:9

Bann sirvivan ava mazin mwan parmi bann nasyon kot zot pou viv koman bann egzile. Zot ava rapel ki mannyer mon'n detri zot, avek zot leker enfidel ki'n abandonn mwan e zot lizye ki'n reste fikse lo sa bann zidol. Zot pou ganny repinyans pour zot prop lekor, akoz bann aksyon degoutan ki zot in komet.

Danyel 6:11

Sa bann zonm ti vin kot li e zot ti war Danyel ki ti pe priye e fer son siplikasyon devan son Bondye.

Revelasyon 18:4

Apre, mon ti antann en lot lavwa sorti dan lesyel ki ti dir: Mon pep! Sorti dan sa lavil, pour ou pa partisip dan son bann pese e pour ou pa resevwar en par dan son bann fleo.