Zeremi 51:36 - Labib An Kreol Seselwa

³⁶ La sa ki SENYER ti deklare: Mon pou pled ou ka e mon pou vanz dan ou plas. Mon pour fer sek lanmer Babilonn e fer sek son sours.

Zeremi 51:36 ပူးပေါင်းရင်းမြစ်များ

Psonm 107:33

I fer bann larivyer vin dezer; i fer bann sours aret koule.

Psonm 140:12

Mon konnen ki SENYER pa oubliy bann malere e ki i rann zizman an faver bann pov.

Proverb 22:23

SENYER ava pled pour zot e pran lavi sa bann ki'n pran tou avek zot.

Proverb 23:11

akoz son defanser i pwisan, i ava pled son ka kont ou.

Ezai 19:5

Larivyer Nil pou sek; i pou vin konpletman sek.

Ezai 43:14

La sa ki SENYER ou Sover, Bondye Sen Izrael, i deklare: Akoz ou, ki mon pou anvoy en dimoun kont Babilonn. I pou defons tou bann laport lavil e bann selebrasyon bann Kaldeen pou tourn an lamantasyon.

Ezai 44:27

Mwan ki dir avek losean: Vin sek. Mon pou fer sek bann larivyer.

Zeremi 50:38

Lasesres kont son bann larivyer! Fer zot vin sek! Sa pei i ranpli avek bann stati ki fer per e ki'n bat latet bann zabitan.

Zeremi 51:11

Fit zot bann fles! Ranpli zot sak! SENYER in revey bann lerwa Med pour egzekit son plan pour li detri Babilonn. Konmsa ki i pou revanze kont sa bann dimoun ki ti detri son tanp.

Zeremi 51:6

Sove dan Babilonn! Sakenn sov son lavi! Pa les zot ganny touye par lafot Babilonn. Ler in arive pour SENYER pran son revanz e pini li parey i merite.

Ezekyel 25:14

Mon pou les mon pep Izrael tir vanzans kont Edonm. Izrael pou tret zot dapre mon gran lakoler e zot ava rekonnet mon vanzans, Senyer BONDYE i deklare.

Oze 13:15

Menm si i pous byen parey move zerb, divan Les pe vini, SENYER pou anvoy li sorti dan dezer. Tou son sours delo, tou son pwi pou sek. Ou pou ganny depouye avek tou ou bann trezor.

Romen 12:19

Mon bann zanmi! Pa fer zot prop vanzans, me les lakoler Bondye azir. Annefe, Senyer i deklare dan Lekritir: Mwan ki pou fer vanzans. Mwan ki pou fer peye.

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

Deterononm 32:43

Bann nasyon! Aklanm son pep, akoz SENYER pou vanz disan son bann serviter e son vanzans pou tonm lo son bann ladverser. I ava fer peye sa bann ki ay li e pirifye later son pep.

Revelasyon 16:12

Sizyenm lanz ti devers son lakoup lo sa gran larivyer Efrat. Son delo ti sek pour prepar en semen pour bann lerwa ki sorti dan Les.