Zeremi 51:31 - Labib An Kreol Seselwa

³¹ Enn deryer lot, bann mesaze pe taye pour dir lerwa Babilonn ki son lavil in ganny anvai par tou kote.

Zeremi 51:31 ပူးပေါင်းရင်းမြစ်များ

2 Kronik 30:6

Alor, parey lerwa ti'n donn lord, bann mesaze ti al partou atraver Izrael ek Zida avek let sorti kot lerwa ek bann sef: Pep Izrael, retourn kot SENYER, Bondye Abrahanm, Izaak, ek Izrael, pour li retourn ankor ver zot, leres Izrael, ki'n sape dan lanmen bann lerwa Asiri.

Ester 8:10

Bann let ti ganny ekri lo non lerwa Zerzes e sele avek stanp lerwa. Sa bann let ti ganny ekspedye par bann mesaze lo seval deras ki ti ganny sonnyen dan lekiri rwayal.

Ester 8:14

Alor, bann mesaze, lo bann seval deras ki ganny swannyen dan lekiri lerwa, ti depese lo lord lerwa. Sa lalwa ti ganny kominike dan lavil kapital Siz.

Liv Zob 9:25

Mon lavi i al pli vit ki en atlet. I pas san war nanryen ki bon.

Zeremi 4:20

Dezas pe vin enn deryer lot; pei antye in ganny ravaze. En sel kou, nou bann latant in ganny detri; zot bann rido in desir an morso.

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Zeremi 50:24

Babilonn! Ou'n provok SENYER. Alor, mon'n met en latrap pour ou, me ou pa ti konnen, e ou'n ganny pri. Ou'n ganny atrape, akoz ou ti provok SENYER.

Zeremi 50:43

Bann lerwa Babilonn ti'n antann nouvel. Zot ti perdi kouraz, zot lagorz ti sere; Zot ti soufer parey en fanm ki pe akouse.

Zeremi 51:32

Lennmi in sezi tou bann pasaz sekre; kot dimoun i travers larivyer. Zot in met dife avek bann ranfor. Bann gerye in panike.

Danyel 5:30

Pandan sa lannwit ki ti swiv, Baltazar, lerwa Babilonn ti ganny touye.