Zeremi 51:30 - Labib An Kreol Seselwa

³⁰ Bann gerye Babilonyen in arete konbat. Zot in reste dan zot kan. Zot nepli annan kouraz, zot in vin parey bann kapon. Zot bann lakaz pe brile, baro lavil in ganny kraze.

Zeremi 51:30 ပူးပေါင်းရင်းမြစ်များ

Psonm 107:16

akoz i'n kas bann laport an bronz; i'n kas bann baro an fer.

Psonm 147:13

I ranforsi serir ou bann laport; i beni ou bann zanfan.

Psonm 76:5

Bann brav gerye in ganny arase tou sa ki zot ti'n sezi. Zot in tonm dan zot dernyen sonmey. Personn parmi zot pa'n kapab servi zot lafors.

Ezai 19:16

Sa zour, bann Ezipsyen pou parey bann fanm: Zot pou tranble avek lafreyer devan lanmen ki SENYER liniver in leve kont zot.

Ezai 47:14

Zot parey lapay; en dife pou bril zot; zot pa pou kapab sape dan pouvwar son laflanm. Sa, pa labrez kot ou kwi dipen, ni dife kot ou asiz devan.

Zeremi 48:41

Bann lavil pou ganny kaptire; bann plas byen proteze pou ganny kaptire. Sa zour, bann gerye Moab pou per parey en fanm ki dan douler lanfantman.

Zeremi 50:15

Kriye, fer tapaz dan tou kote lavil kont li. Fer tapaz avek aklamasyon lager. Babilonn in rann zarm. Son bann lavil fortifye in tonbe, son bann miray in ganny kraze.

Zeremi 51:32

Lennmi in sezi tou bann pasaz sekre; kot dimoun i travers larivyer. Zot in met dife avek bann ranfor. Bann gerye in panike.

Zeremi 51:57

Mon pou soul son bann sef, son bann saz, son bann gouverner, son bann gerye. Zot pou al dormi pour touzour e zot pa pou zanmen lev ankor, sa enn ki Lerwa, ki apel SENYER liniver i deklare.

Lamantasyon 2:9

Bann gran laport in ganny met ater. Bann fermtir in ganny kase an morso. Lerwa ek son bann zofisye in ganny anvoye annegzil. Lalwa nepli ganny ansennyen; bann profet nepli ganny vizyon sorti kot SENYER.

Amos 1:5

Mon pou fer sote laport Damas, e mon pou detri bann zabitan dan vale Aven, ensi ki lerwa ki renny dan vale Edenn; mon pou deport pep Siriyen dan rezyon Kir. SENYER ki deklare. Kont bann Filisten

Nahoum 3:13

Gete, ou bann gerye, parey bann fanm, nepli kapab lager. Bann laport ou pei i gran ouver pour ou bann lennmi; dife in detri bann fermtir.

Revelasyon 18:10

Zot pou debout alekar, akoz zot pou per devan bann tourman. Zot pou dir: Maler! En gran maler! Babilonn, gran lavil, lavil pwisan! En erdtan in ase pour ou ganny zize!