Zeremi 51:29 - Labib An Kreol Seselwa

²⁹ Later i tranble; i tranble avek lafreyer kan SENYER i realiz son proze pour fer Babilonn vin en dezer kot personn pa pou vin reste.

Zeremi 51:29 ပူးပေါင်းရင်းမြစ်များ

Ezai 14:16

Bann dimoun ki war ou, pou fikse zot regar avek etonnman. Dan zot menm, zot demande: Li menm li sa zonm ki ti fer later tranble, ki ti sekwe bann rwayonm?

Ezai 24:20

Later i drive parey en zonm sou. I balanse parey en kabann dan divan. I afese anba pwa son bann fot. I tonbe e i pou nepli kapab leve.

Zeremi 10:10

Me SENYER i vreman Bondye; i sa vre Bondye vivan, e lerwa pour touzour. Later i tranble devan son lakoler e bann nasyon i enpwisan.

Zeremi 50:13

Akoz gran lakoler SENYER, personn pa pou vin reste ankor dan Babilonn; i pou ganny konpletman devaste. Tou sa ki pas par la pou soke e ganny sezisman, akoz tou son bann boubou.

Zeremi 50:36

Mon deklar lager kont son bann fo profet ki pou ganny trete koman bann fou. Mon deklar lager kont son bann gerye pour ki zot ganny masakre.

Zeremi 50:43

Bann lerwa Babilonn ti'n antann nouvel. Zot ti perdi kouraz, zot lagorz ti sere; Zot ti soufer parey en fanm ki pe akouse.

Zeremi 50:45

Alor, ekout sa plan ki SENYER in fer kont Babilonn, e ki lentansyon i annan kont bann zabitan sa pei. San okenn dout, son bann zanfan pour ganny trennen deor, e tou dimoun pour reste soke.

Zeremi 50:46

Kan Babilonn pou ganny kaptire, later pou tranble; son bann apel osekour pour ganny tande parmi bann nasyon.

Zeremi 51:26

Okenn ros pa pou kapab servi koman pyer fondasyon, oubyen pour konstriksyon. Ou pou en dezer pour touzour, SENYER i deklare.

Zeremi 51:28

Mobiliz bann nasyon pour fer lager kont Babilonn! Fer vin bann lerwa Med, avek zot bann gouverner ek zot bann zofisye e larme tou bann pei ki anba zot kontrol.

Zeremi 51:37

Mon pou fer Babilonn vin en ta ros, kot zannimo sovaz ki pou viv; en landrwa devaste ki pou fer per, En landrwa kot personn pa pou reste.

Zeremi 51:43

Pa gou war son bann lavil; zot in vin en dezer kot personn pa reste, kot personn pa ni menm pase.

Zeremi 8:16

Lennmi i deza dan lavil Dann. Nou antann tapaz zot seval sorti depi laba. Tou later pe tranble. Nou lennmi in vin detri pei, nou lavil avek tou sa ki lo la e tou son bann zabitan.

Zoel 2:10

Zot fer later tranble. Lesyel i vibre ler zot pase. Soley ek lalin i vin sonm, e zetwal nepli briye.

Amos 8:8

Pour sa rezon, later pou tranble. Tou bann zabitan pou an dey. Pei antye pour ganny sekwe; i pou leve e desann parey larivyer Nil dan Lezip.

Revelasyon 18:2

I ti kriye avek en lavwa for: I'n tonbe! Gran Babilonn in tonbe! I'n vin landrwa reste pour bann demon, en landrwa reste pour tou bann lespri enpir; en landrwa kot tou kalite zwazo enpir e degoutan i reste.