Zeremi 51:28 - Labib An Kreol Seselwa

²⁸ Mobiliz bann nasyon pour fer lager kont Babilonn! Fer vin bann lerwa Med, avek zot bann gouverner ek zot bann zofisye e larme tou bann pei ki anba zot kontrol.

Zeremi 51:28 ပူးပေါင်းရင်းမြစ်များ

Zenez 10:2

Bann garson Zafet: Gomer, Magog, Madai, Yavann, Toubal, Mesek ek Tira.

1 Kronik 1:5

Bann garson Zafet: Gomer, Magog, Madai, Yavann, Toubal, Mesek, ek Tiras.

Ester 1:3

Dan trwazyenm lannen son renny, i ti donn en festen pour tou son bann o fonksyonner ek son bann minis. Bann sef larme Lapers ek Medi, bann nob, bann gouverner provens, ti prezan.

Ester 10:2

Tou son bann aksyon ekstraordiner e kouraze, mannyer in donn promosyon Mardose, in ganny rakonte dan Liv Listwar bann Lerwa Medi ek Lapers.

Ezai 13:17

Mon pe eksit bann Med kont zot. Larzan napa valer pour zot e lor pa nanryen pour zot.

Ezai 21:2

Mon'n ganny en vizyon terib: Tret i trai, destrikter i detri. Elanm! Monte e Med atake. Mon pe met en lafen avek tou bann soufrans.

Zeremi 25:14

Mon pou fer bann Babilonyen peye pour sa ki zot in fer. Zot pou anba dominasyon bokou nasyon ek bann gran pwisans. Konmsa mon pou fer zot rann kont pour zot aksyon e ditor ki zot in fer.

Zeremi 25:25

tou bann lerwa Zimri, Elanm ek Med;

Zeremi 50:41

En pep ki sorti dan Nor pe vini; sa i en gran nasyon avek bann lerwa pwisan.

Zeremi 51:11

Fit zot bann fles! Ranpli zot sak! SENYER in revey bann lerwa Med pour egzekit son plan pour li detri Babilonn. Konmsa ki i pou revanze kont sa bann dimoun ki ti detri son tanp.

Zeremi 51:27

Anonse dan tou pei! Fer soufle tronpet parmi bann nasyon! Mobiliz bann nasyon pour fer lager kont Babilonn! Konvok bann rwayonm Ararat, Mini, Askenaz pour zot atake. Nonm en sef pour diriz latak. Anvoy bann seval atake, parey lesen sotrel.

Zeremi 51:29

Later i tranble; i tranble avek lafreyer kan SENYER i realiz son proze pour fer Babilonn vin en dezer kot personn pa pou vin reste.

Danyel 6:1

Dariis ti deside apwent 120 gouverner pour gouvern rwayonm antye.

Danyel 6:8

Aprezan, Mazeste, konfirmen e siny sa lord, pour ki personn pa kapab sanze, dapre lalwa bann Med ek bann Pers, ki pa kapab sanze.

Danyel 8:20

Sa mouton mal ki ou ti war avek de korn, sa i bann lerwa Med e Lapers.

Danyel 9:1

Dariis, garson Zerzes, en Med, ti vin lerwa rwayonm Babilonyen.