Zeremi 51:27 - Labib An Kreol Seselwa

²⁷ Anonse dan tou pei! Fer soufle tronpet parmi bann nasyon! Mobiliz bann nasyon pour fer lager kont Babilonn! Konvok bann rwayonm Ararat, Mini, Askenaz pour zot atake. Nonm en sef pour diriz latak. Anvoy bann seval atake, parey lesen sotrel.

Zeremi 51:27 ပူးပေါင်းရင်းမြစ်များ

Zenez 10:3

Bann garson Gomer: Askenaz, Rifat ek Togarma.

Zenez 8:4

Lo disetyenm zour, setyenm mwan, lars ti swe lo enn bann montanny Ararat.

2 Rwa 19:37

En zour, letan i ti pe priye dan tanp son bondye Nisrok, son de garson Adramelek ek Sareser, ti touy li avek lepe e sov dan pei Ararat. Son garson, Asaradon, ti renny dan son plas.

1 Kronik 1:6

Bann garson Gomer: Askenaz, Difat, ek Togarma.

Ezai 18:3

Zot tou, bann zabitan lemonn, zot ki reste lo later! Ler en siny i ganny plase lo montanny, get byen! Ler tronpet i soufle, ekoute!

Ezai 37:38

En zour, letan i ti pe priye dan tanp son bondye Nisrok, son de garson, Adramelek ek Sareser ti touy li avek lepe e sov dan pei Ararat. Son garson Asaradon ti renny dan son plas.

Zeremi 25:14

Mon pou fer bann Babilonyen peye pour sa ki zot in fer. Zot pou anba dominasyon bokou nasyon ek bann gran pwisans. Konmsa mon pou fer zot rann kont pour zot aksyon e ditor ki zot in fer.

Zeremi 46:23

SENYER i deklare: Menm si lafore i epe e ki ou pa kapab traverse, zot pou detri tou. Akoz, zot pli nonbre ki bann sotrel: Ou pa kapab konte konbyen zot i annan.

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Zeremi 50:3

En nasyon sorti dan Nor pe vin atak Babilonn e fer pei vin en landrwa devaste; personn pa pou reste la. Dimoun ek zannimo pou sove.

Zeremi 50:9

Mon pe soulev en group bann gran nasyon for sorti dan pei Nor. Mon pour anvoy zot atak Babilonn. Zot pou pran zot pozisyon pour latak e zot pou kaptir lavil. En konbatan adrwa ki viz byen, pa zanmen mank son mark. En konbatan adrwat ki viz byen pa zanmen mank son mark.

Zeremi 51:12

Donn sinyal pour atake! Ogmant kantite santinel! Met bann zonm dan maske, pare pour zot atak dimoun ki oule sove. Wi! SENYER in akonpli sa ki i ti dir i pou fer kont bann zabitan Babilonn.

Zeremi 51:14

SENYER liniver in fer serman lo li menm: Mon pou anvoy en kantite zonm dan Babilonn, parey en lesen sotrel e zot ava sant sanson laviktwar lo ou.

Zeremi 51:28

Mobiliz bann nasyon pour fer lager kont Babilonn! Fer vin bann lerwa Med, avek zot bann gouverner ek zot bann zofisye e larme tou bann pei ki anba zot kontrol.

Zeremi 6:1

Zabitan tribi Benzamen! Sove! Kit Zerizalenm! Al rod proteksyon dan en lot landrwa. Sonn tronpet dan Tekoa; donn lavertisman dan Bet-Kerenm, akoz maler ek gran dezas pe arive sorti dan Nor.

Zoel 3:9

Anons sa parmi bann nasyon! Met zot pare pour lager! Mobiliz bann gerye! Rasanble zot e met pare pour atake.

Amos 3:6

Eski tronpet i sonnen dan lavil san fer enkyet bann zabitan? Eski en maler i arive dan en lavil si SENYER pa'n anvoye?

Zakari 14:2

Mon pe rasanble tou bann nasyon pour atak Zerizalenm. Lavil pou ganny kaptire, bann lakaz met anba lao, e bann fanm pou ganny vyole. Lanmwatye bann zabitan Zerizalenm pou ganny deporte; me sa lot lanmwatye ava kapab reste dan lavil.

Ziz 6:5

Annefe, zot ti monte avek zot bann troupo, zot bann latant. Zot ti anvai pei parey en lesen sotrel. Zot ti annan en kantite samo; zot ti vin pour ravaz pei.