Zeremi 51:20 - Labib An Kreol Seselwa

²⁰ SENYER i deklare: Babilonn! Ou menm mon marto, mon zarm lager. Avek ou, mon'n kraz bann nasyon, e detri bann rwayonm.

Zeremi 51:20 ပူးပေါင်းရင်းမြစ်များ

Ezai 10:15

Eski en lars i kapab vant son lekor dan plas sa enn ki servi li? Eski en lasi i kapab fer vantar dan plas sa enn ki servi li? Sa i konmsi roten i fer bouze lebra ki lev li oubyen en baton ki diriz sa lanmen ki mannye li.

Ezai 10:5

Maler lo Asiri! I en roten mon lakoler. Sa baton dan zot lanmen ki montre mon lakoler.

Ezai 13:5

Zot sorti dan en pei byen lwen, dan lot bout lesyel. SENYER ek bann zarm son lakoler ki pou detri later antye.

Ezai 37:26

Eski ou pa ti konnen ki mon'n fer tousala depi lontan? Depi lontan, mon'n fer plan sa ki mon pe realize aprezan pour fer ou kraz bann lavil fortifye e fer zot vin en ta debri.

Ezai 45:1

La sa ki SENYER i deklare avek sa enn ki'n resevwar son lonksyon: Siris, sa enn ki i'n sezi par son lanmen drwat, pour met bann nasyon anba son pouvwar, pour tir batan bann laport devan li, pour detri pouvwar bann lerwa, pour ki bann laport pa reste fermen devan li:

Ezai 8:9

Pep, tranble e mor avek lafreyer! Tou pei dan lemonn antye, ekoute! Met zot pare pour lager! Met zot pare pour lager!

Zeremi 25:11

Tou sa pei pou vin en larin, en landrwa devaste. Tou sa bann nasyon pou anba dominasyon lerwa Naboukodonozor pandan 70 an.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 50:23

Gete! Babilonn ti parey en marto ki ti kraz tou nasyon; Aprezan, in ganny kraze an morso! Koman i fer ki Babilonn en vin keksoz ki fer per tou bann nasyon!

Ezekyel 21:11

Lepe in ganny poli pour li ganny servi. I'n ganny fite e poli pour met dan lanmen bouro.

Ezekyel 21:31

Mon pou devers lo ou tou mon lakoler. Mon pou soufle dife mon lakoler kont ou. Mon pou livre ou dan lanmen bann brit, bann eksper dan destriksyon.

Mise 4:12

Me zot pa konn plan SENYER; zot pa konpran son proze. In rasanble zot parey pake dible la kot zot ganny bate.

Mise 4:13

Zabitan Zerizalenm! Leve, al bat dible. Mon pou fer ou osi for ki en bef avek korn an fer, e sabo an bronz. Ou ava kas an morso bokou nasyon. Bann larises ki ou pran, ava ganny rezerve pour mwan, mwan SENYER, met liniver antye.

Nahoum 2:1

Pep Niniv! En larme pe monte pour atake. Met bann solda lo miray defans. Vey bann semen. Rasanble tou ou lafors.

Zakari 10:4

Ros prensipal pou sorti dan Zida; solid koman pike latant, for koman lark lager.

Matye 22:7

Alor, lerwa ti ankoler. I ti anvoy son larme touy sa bann kriminel e met dife dan zot lavil.