Zeremi 51:13 - Labib An Kreol Seselwa

¹³ Zot, bann zabitan Babilonn ki reste kot delo i annabondans! Zot annan en kantite larises! Me zot letan in fini. Pa reste lontan pour zot viv.

Zeremi 51:13 ပူးပေါင်းရင်းမြစ်များ

Zenez 6:13

Alor, i ti dir Noe, “Mon'n deside met lafen avek tou. Later i ranpli avek vyolans akoz zonm. Mon pou detri zot ansanm avek later.

Psonm 137:1

Lo bor bann larivyer Babilonn, kot nou ti pe asize, nou ti plere ler nou ti mazin Siyon.

Ezai 43:14

La sa ki SENYER ou Sover, Bondye Sen Izrael, i deklare: Akoz ou, ki mon pou anvoy en dimoun kont Babilonn. I pou defons tou bann laport lavil e bann selebrasyon bann Kaldeen pou tourn an lamantasyon.

Ezai 45:3

Mon pou donn ou bann trezor ki dan landrwa fernwanr, bann larises dan bann landrwa sekre. Konmsa, ou ava konnen ki mwan menm SENYER, Bondye Izrael ki apel ou par ou non.

Ezai 57:17

Mon ti ankoler akoz zot ti tro anvye. Alor, mon'n frap zot e mon'n kasyet anba mon lakoler. Me zot ti kontinyen swiv zot move semen dan revolt.

Zeremi 17:11

Sa enn ki vin ris dan fason malonnet, i parey en poul ki kouv dizef kannar: Dan milye son lavi, son fortin pou kit li, e alafen, i fini parey en fou.

Zeremi 50:27

Masakre tou bann toro! Fer zot desann dan labatwar. Lepep Babilonn in ganny modi! Letan pour li ganny pini in arive.

Zeremi 50:31

Babilonn! Mon kont ou, akoz ou vantar. Letan in arive pour mwan, Senyer BONDYE liniver, pini ou.

Zeremi 50:37

Mon deklar lager kont son bann seval ek son bann kales lager; kont tou bann troup etranze ki parmi zot, pour zot tonm feb parey bann fanm. Detri tou son bann trezor; ki zot ganny vole.

Zeremi 51:36

La sa ki SENYER ti deklare: Mon pou pled ou ka e mon pou vanz dan ou plas. Mon pour fer sek lanmer Babilonn e fer sek son sours.

Lamantasyon 4:18

Nou pa ti kapab sorti dan semen, akoz lennmi ti pe espyonn lo nou. Nou lafen ti pros; nou zour ti'n ganny konte. Lafen nou lavi ti'n arive.

Danyel 5:26

La son lenterpretasyon: MENE, savedir konte: Bondye in fer kont bann zour ou renny e i'n deside met en lafen avek ou renny.

Amos 8:2

SENYER ti demann mwan, “Amos, ki ou war?” Mon ti reponn “En pannyen fri mir.” Alor, SENYER ti dir mwan: Letan lafen pour mon pep Izrael, in arive. Mon pa pou eparny li.

1 Pyer 4:7

Lafen tou keksoz i pros. Pour sa rezon, viv en fason rezonnab avek en lespri vizilan pour zot kapab priye.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.

Revelasyon 17:1

Apre sa, enn parmi bann lanz ki ti pe tenir sa set lakoup ti vin koz avek mwan: Vini! Mon ava montre ou kondannasyon ki pe esper sa gran prostitye ki pe asize lo losean.

Revelasyon 17:15

Lanz ti dir mwan ankor: Losean kot ou ti war sa fanm prostitye pe asiz lo la, se bann pep, bann lafoul dimoun, bann nasyon ek bann lalang.

Revelasyon 18:19

Zot ti zet lapousyer lo zot latet; zot ti plere e zot ti lamante: Maler! Maler! Ki kalite maler sa gran lavil i ladan. Par son larises, i'n anrisi tou bann ki ti annan bato lo lanmer! Dan zis en erdtan in arive perdi tou!