Zeremi 51:11 - Labib An Kreol Seselwa

¹¹ Fit zot bann fles! Ranpli zot sak! SENYER in revey bann lerwa Med pour egzekit son plan pour li detri Babilonn. Konmsa ki i pou revanze kont sa bann dimoun ki ti detri son tanp.

Zeremi 51:11 ပူးပေါင်းရင်းမြစ်များ

1 Rwa 11:14

SENYER ti soulev en lennmi kont Salomon: Hadad, en desandan rwayal Edomit.

1 Rwa 11:23

Bondye ti soulev en lot ladverser kont Salomon: Rezonn, garson Elyada, ki ti'n sove kot son met Adadezer, lerwa Soba.

1 Kronik 5:26

Alor, Bondye Izrael ti boulvers lespri Poul, lerwa Asiri, lespri Tilgat-Pilneser ki ti deport bann Ribenit, bann Gadit ek demi tribi Manase; i ti anmenn zot Hala, Habor, Hara pre larivyer Gozann, kot zot in reste ziska ozordi.

2 Kronik 36:22

Pandan premye lannen renny Siris, lerwa Lapers, SENYER ti realiz parol ki i ti'n prononse par profet Zeremi. I ti met dan lespri Siris, lerwa Lapers, lide pour fer en proklanmasyon e pibliy sa teks swivan partou dan son rwayonm antye:

Esdras 1:1

Pandan premye lannen renny Siris, lerwa Lapers, SENYER ti realiz parol ki i ti'n prononse par profet Zeremi. I ti met dan lespri Siris, lerwa Lapers, lide pour fer en proklanmasyon e pibliy sa teks swivan partou dan son rwayonm antye:

Ezai 10:26

SENYER liniver pou lev son roten kont Asiri, parey i ti fwet Madyann lo Ros Horeb; i pou lev son baton lo lanmer; i pou lev li parey i ti fer Lezip.

Ezai 21:2

Mon'n ganny en vizyon terib: Tret i trai, destrikter i detri. Elanm! Monte e Med atake. Mon pe met en lafen avek tou bann soufrans.

Ezai 21:5

Zot prepar latab; santinel pe veye; zot manze, zot bwar. Leve bann zofisye! Gres zot boukliye!

Ezai 41:25

Mon'n apel en zonm sorti dan Nor; i'n arive sorti Les. In ganny apele par son non. I pou kraz bann dirizan parey labou; parey en potye i kraz larzil.

Ezai 45:1

La sa ki SENYER i deklare avek sa enn ki'n resevwar son lonksyon: Siris, sa enn ki i'n sezi par son lanmen drwat, pour met bann nasyon anba son pouvwar, pour tir batan bann laport devan li, pour detri pouvwar bann lerwa, pour ki bann laport pa reste fermen devan li:

Ezai 45:5

Mwan menm SENYER. Apard mwan, napa en lot Bondye. San ki ou konn mwan, mon'n prepar ou pour al lager,

Ezai 46:11

Mon apel en zwazo rapas ki dan Les. En zonm ki sorti dan en pei lwenten, pour egzekit mon bann proze. Sa ki mon prozete, mon pou fer li.

Zeremi 25:25

tou bann lerwa Zimri, Elanm ek Med;

Zeremi 46:3

Prepar zot bann boukliye, bann ki gran ek bann ki pti. Annavan pour atake!

Zeremi 46:4

Prepar bann seval. Atake avek bann kales lager! Prepar zot pour met zot kas! Fit zot lans! Met zot proteksyon lager!

Zeremi 46:9

Bann seval! Atake. Bann kales lager! Bann gerye ki sorti Letyopi ek Pout; ki mannye bann boukliye; lezot gerye ki sorti Loud e ki konn mannye fles! Fonse.

Zeremi 50:25

SENYER in ouver lasal zarm, e in tir zarm son lakoler, akoz li, Senyer BONDYE liniver, i annan en travay pour fer dan Babilonn.

Zeremi 50:3

En nasyon sorti dan Nor pe vin atak Babilonn e fer pei vin en landrwa devaste; personn pa pou reste la. Dimoun ek zannimo pou sove.

Zeremi 50:45

Alor, ekout sa plan ki SENYER in fer kont Babilonn, e ki lentansyon i annan kont bann zabitan sa pei. San okenn dout, son bann zanfan pour ganny trennen deor, e tou dimoun pour reste soke.

Zeremi 50:9

Mon pe soulev en group bann gran nasyon for sorti dan pei Nor. Mon pour anvoy zot atak Babilonn. Zot pou pran zot pozisyon pour latak e zot pou kaptir lavil. En konbatan adrwa ki viz byen, pa zanmen mank son mark. En konbatan adrwat ki viz byen pa zanmen mank son mark.

Zeremi 51:12

Donn sinyal pour atake! Ogmant kantite santinel! Met bann zonm dan maske, pare pour zot atak dimoun ki oule sove. Wi! SENYER in akonpli sa ki i ti dir i pou fer kont bann zabitan Babilonn.

Zeremi 51:24

Aprezan, zot ava war koman mon fer Babilonn ek son bann zabitan pey pour tou sa bann ditor ki zot in fer dan Zerizalenm, SENYER i deklare.

Zeremi 51:35

Zabitan Zerizalenm i dir: Babilonn i devret ganny rekonnet koman sel responsab pour vyolans ki i'n fer kont nou. Bann zabitan Zerizalenm i dir: Babilonn i devret ganny rekonnet sel responsab pour tou sa ki nou'n soufer.

Zeremi 51:36

La sa ki SENYER ti deklare: Mon pou pled ou ka e mon pou vanz dan ou plas. Mon pour fer sek lanmer Babilonn e fer sek son sours.

Danyel 5:30

Pandan sa lannwit ki ti swiv, Baltazar, lerwa Babilonn ti ganny touye.

Zoel 3:10

Transform pyos pour fer lepe. Fer lans avek zot bann sekater. Ou ki feb! Dir: Mon for!

Zoel 3:9

Anons sa parmi bann nasyon! Met zot pare pour lager! Mobiliz bann gerye! Rasanble zot e met pare pour atake.

Levitik 26:25

Mon pou anvoy lager kont zot, pour pini zot akoz mon lalyans. Si zot al pran refiz dan bann lavil, mon pou anvoy lepidemi parmi zot, e zot ava tonm dan lanmen lennmi.

Zakari 14:12

La maler ki SENYER pou anvoy lo tou bann pep ki'n lager kont Zerizalenm: Zot lapo pou pouri pandan ki zot ankor debout; zot lizye pou pouri dan son orbit e zot lalang pou pouri dan zot labous.

Zakari 14:2

Mon pe rasanble tou bann nasyon pour atak Zerizalenm. Lavil pou ganny kaptire, bann lakaz met anba lao, e bann fanm pou ganny vyole. Lanmwatye bann zabitan Zerizalenm pou ganny deporte; me sa lot lanmwatye ava kapab reste dan lavil.