Zeremi 51:10 - Labib An Kreol Seselwa

¹⁰ SENYER in ziz dan nou faver. Annou al rakont bann zabitan Zerizalenm, sa ki SENYER nou Bondye in fer.

Zeremi 51:10 ပူးပေါင်းရင်းမြစ်များ

Psonm 118:17

Mon pa pou mor, mon pou viv e mon pou rakont bann mervey ki SENYER in fer.

Psonm 37:6

I ava fer paret ou lazistis parey lalimyer granmaten e ou bann drwa parey soley midi.

Psonm 64:9

Tou dimoun pou per; zot pou proklanm travay Bondye, e medit lo sa ki i'n fer.

Psonm 66:16

Zot tou ki ador Bondye! Vini. Vin ekoute. Mon ava rakont zot sa ki i'n fer pour mwan.

Psonm 9:14

pour mwan rakont devan laport Zerizalenm tou bann mervey ki ou'n fer. Mon pou danse dan lazwa, akoz ou'n delivre mwan.

Ezai 24:14

Me zot, zot lev lavwa; zot sant avek lazwa; zot kriye avek lazwa. Dan Was, zot sant laglwar SENYER.

Ezai 40:2

Avek tandres, koz avek Zerizalenm! Fer li konnen ki son letan lesklavaz in fini; ki son pese in ganny pardonnen; ki SENYER li menm in fer li pey doub pour tou son bann fot.

Ezai 51:11

Konmsa, bann ki SENYER in sove ava retournen e sant bann kantik letan zot mont Siyon; pou touzour annan lazwa lo zot figir; zot ava touzour dan lakontantman ek lazwa; zot pou nepli ni sagren ni plere.

Zeremi 50:28

Bann sirvivan ki ti'n sape Babilonn e ki'n ariv Zerizalenm ti rakonte koman SENYER nou Bondye in fer son revanz pour sa ki bann Babilonyen ti'n fer avek son tanp.

Zeremi 50:45

Alor, ekout sa plan ki SENYER in fer kont Babilonn, e ki lentansyon i annan kont bann zabitan sa pei. San okenn dout, son bann zanfan pour ganny trennen deor, e tou dimoun pour reste soke.