Zeremi 50:9 - Labib An Kreol Seselwa

⁹ Mon pe soulev en group bann gran nasyon for sorti dan pei Nor. Mon pour anvoy zot atak Babilonn. Zot pou pran zot pozisyon pour latak e zot pou kaptir lavil. En konbatan adrwa ki viz byen, pa zanmen mank son mark. En konbatan adrwat ki viz byen pa zanmen mank son mark.

Zeremi 50:9 ပူးပေါင်းရင်းမြစ်များ

2 Samyel 1:22

Devan disan bann blese, devan lagres bann konbatan, fles Zonatan pa'n zanmen rekile, e lepe Sail pa'n zanmen retourn lanmen vid.

Kantik Salomon 3:8

Zot tou, zot in arme avek zot lepe byen antrennen pour fer lager. Zot tou, zot lepe i lo zot kote pour protez zot kont bann atak aswar.

Ezai 21:2

Mon'n ganny en vizyon terib: Tret i trai, destrikter i detri. Elanm! Monte e Med atake. Mon pe met en lafen avek tou bann soufrans.

Ezai 41:25

Mon'n apel en zonm sorti dan Nor; i'n arive sorti Les. In ganny apele par son non. I pou kraz bann dirizan parey labou; parey en potye i kraz larzil.

Zeremi 15:14

Mon pou fer zot vin lesklav zot lennmi dan en pei ki zot pa konnen. Mon lakoler in alimen parey en dife ki pe bril kont zot.

Zeremi 25:14

Mon pou fer bann Babilonyen peye pour sa ki zot in fer. Zot pou anba dominasyon bokou nasyon ek bann gran pwisans. Konmsa mon pou fer zot rann kont pour zot aksyon e ditor ki zot in fer.

Zeremi 25:26

tou bann lerwa sorti dan Nor, pros oubyen lwen, enn apre lot, e tou bann rwayonm partou lo later, zot ti bezwen bwar dan sa lakoup. Dernyen dimoun ki ti bwar, ti lerwa Babilonn.

Zeremi 50:14

La sa ki SENYER i deklare: Zot tou ki tir lark! Met zot pare. Viz lo li. Tir tou zot bann fles kont li, akoz zot in komet pese kont SENYER.

Zeremi 50:21

La sa ki SENYER i deklare: Al atak bann zabitan Merataim ek Pekod! Touye! Detri zot tou konpletman. Fer tou sa ki mon'n ordonn ou.

Zeremi 50:26

Vin kot li, zot tou ki sorti lwen! Ouver son bann grennyen. Fer bann ta avek bann legren e detri zot konpletman. Ki nanryen pa reste!

Zeremi 50:29

Rasanble tou bann ki konn tir fles! Anvoy zot atak lavil Babilonn. Fer zot anserkle li. Pa les personn sove! Fer li pey tou sa bann dimal ki i'n fer. Tret li parey in tret lezot, akoz in azir avek lorgey kont mwan, SENYER, Bondye sen Izrael.

Zeremi 50:3

En nasyon sorti dan Nor pe vin atak Babilonn e fer pei vin en landrwa devaste; personn pa pou reste la. Dimoun ek zannimo pou sove.

Zeremi 51:11

Fit zot bann fles! Ranpli zot sak! SENYER in revey bann lerwa Med pour egzekit son plan pour li detri Babilonn. Konmsa ki i pou revanze kont sa bann dimoun ki ti detri son tanp.