Zeremi 50:6 - Labib An Kreol Seselwa

⁶ Mon pep in vin parey en troupo mouton egare; zot berze in anmenn zot lo move semen. In fer zot tourn anron dan montanny; zot in rode partou dan bann kolin, ziska ler zot in oubliye kote zot reste.

Zeremi 50:6 ပူးပေါင်းရင်းမြစ်များ

Psonm 116:7

Mon retrouv mon repo, akoz SENYER in fer mwan bokou dibyen.

Psonm 119:176

Mon'n egare parey en mouton ki'n perdi semen. Vin rod ou serviter, akoz mon pa oubliy ou bann komannman.

Psonm 23:2

I fer mwan repoz dan laplenn zerb ver. I anmenn mwan ver delo trankil.

Psonm 32:7

Ou en labri pour mwan; ou prezerv mwan kont maler. Ou antour mwan avek bann sanson delivrans.

Psonm 90:1

SENYER! Depi touzour, ou nou labri.

Psonm 91:1

Sa enn ki reste kot Bondye Treo, e repoz anba proteksyon Bondye Toupwisan,

Ezai 1:3

En bef i konn son met, en bourik i konn manzwar kot son met i donn li manze; me Izrael pa konn mwan; mon pep pa konpran.

Ezai 30:15

La sa ki Senyer BONDYE, Bondye Sen Izrael i deklare: Ou delivrans i dan retour ver mwan e dan silans. Ou lafors i dan trankilite ek konfyans. Me ou'n refize.

Ezai 32:2

Sakenn pou parey en labri kont divan, en refiz kont tanpet, parey bann sours delo dan landrwa sek, parey lonbraz en ros dan dezer.

Ezai 53:6

Nou tou, nou ti eran. Parey en troupo mouton, ki'n perdi semen, sakenn ti al dan son prop direksyon. SENYER in plas lo li tou nou bann krim.

Zeremi 10:21

Nou bann sef i'n azir an fou: Zot pa'n rod konsey avek SENYER. Pour sa rezon, zot pa'n reisi e nou pep in ganny disperse dan tou kote.

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Zeremi 2:32

Eski en zenn fiy i kapab oubliy son bann bizou? Eski en nouvel marye i kapab oubliy son rob maryaz? Alor! Akoz mon pep in oubliy mwan depi tou sa bann letan?

Zeremi 23:1

La sa ki SENYER i deklare: Maler lo sa bann berze ki detri e ki dispers bann mouton dan mon troupo!

Zeremi 3:23

Annefe, tou sa ki sorti lao dan kolin, i zis pour tronp dimoun. Zis SENYER, nou Bondye ki kapab sov Izrael.

Zeremi 3:6

Dan letan ki Zosyas ti lerwa, SENYER ti dir mwan, “Eski ou'n war sa ki Izrael in fer? Parey en fanm ki tronp son mari, in al lo bann kolin bwaze kot i azir parey en prostitye anba sa pye dibwa ki son feyaz i ver.

Zeremi 33:12

La sa ki SENYER i deklare: Dan sa pei ki parey en dezer, e kot napa personn ki viv, ni dimoun ni zannimo, e dan tou son bann lavil, pou annan nouvo landrwa kot bann berze pou kapab vey lo zot mouton ek zot bann kabri.

Zeremi 50:17

Izrael i parey en mouton egare ki bann lyon pe atake. Lerwa Lasiri ti premye pou devor li. Dernyen, Naboukodonozor, lerwa Babilonn in vin kraz son bann lezo.

Zeremi 50:19

Mon pou fer pep Izrael retourn se li, dan son domenn. I pou trouv dekwa manze lo montanny Karmel, dan rezyon Basann, dan bann teritwar Efraim ek Galaad, dekwa pour satisfer son lapeti.

Ezekyel 13:10

Annefe, zot in tronp mon pep kan zot in dir: Tou i byen! Alor ki tou ti mal. Kan mon pep i konstri en miray, sa bann profet i kontante zis blansi li avek laso.

Ezekyel 34:14

Mon pou nouri zot dan bann bon laplenn zerb e lo bann montanny Izrael. Zot ava ganny bann laplenn avek zoli zerb pour dormi e pour manze lo bann montanny Izrael.

Ezekyel 34:15

Mwan menm ki pou vin berze mon troupo. Mwan menm ki pou fer zot repoze. Mwan Senyer BONDYE ki deklare.

Ezekyel 34:16

Mon pou rod bann ki'n perdi; fer retournen bann ki'n egare; pans bann ki'n ganny blese e fer bann ki malad repran zot lafors. Me mon pou elimin bann ki gra e for. Mon pou diriz mon troupo avek ladrwatir.

Matye 10:6

Al plito kot bann brebi egare dan pep Izrael.

Matye 15:24

Zezi ti reponn, “Mon'n ganny anvoye zis pour bann brebi perdi parmi pep Izrael.”

Matye 9:36

Son leker ti ranpli avek konpasyon pour lafoul ki i ti war, akoz zot ti fatige e dekouraze. Zot ti parey bann mouton san berze.

1 Pyer 2:25

Annefe, zot ti koman bann mouton perdi; me aprezan, zot in retourn kot sa berze ki vey lo zot.