Zeremi 50:44 - Labib An Kreol Seselwa

⁴⁴ Mon pou vin parey en lyon ki sorti dan brousay, obor larivyer Zourden dan en oazis, SENYER i deklare. Toudenkou, mon pou fer zot sove. Alor, mon pou nonm en sef ki mon ava'n swazir. Annefe, lekel ki kapab konpar li avek mwan? Lekel ki pou al kont mwan? Lekel sa berze ki pou kapab opoz mwan?

Zeremi 50:44 ပူးပေါင်းရင်းမြစ်များ

Ezai 46:11

Mon apel en zwazo rapas ki dan Les. En zonm ki sorti dan en pei lwenten, pour egzekit mon bann proze. Sa ki mon prozete, mon pou fer li.

Ezai 46:9

Mazin bann keksoz lontan akoz mwan menm Bondye, napa en lot. Mwan menm SENYER e napa en lot parey mwan.

Ezai 43:10

SENYER i deklare: Zot mon bann temwen e mon serviter ki mon'n swazir pour zot konn mwan e krwar dan mwan, konpran ki mwan menm sel Bondye. Avan mwan, ti napa okenn Bondye. Apre mwan, pa pou annan okenn lot.

Ezai 41:25

Mon'n apel en zonm sorti dan Nor; i'n arive sorti Les. In ganny apele par son non. I pou kraz bann dirizan parey labou; parey en potye i kraz larzil.

Ezai 40:25

Avek ki alor ou pou konpar Bondye? Lekel ki resanble li? Bondye Sen i demande.

Psonm 89:6

Lekel dan lesyel ki parey SENYER? Lekel parmi bann zabitan dan lesyel ki parey SENYER?

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Zeremi 25:38

Parey en lyon ki kit landrwa kot i kasyet, SENYER in abandonn sa pei kot i ti pe reste. Akoz bann ravaz ki lager in fer, e vyolans lakoler SENYER, sa pei in vin en dezer.

Ezai 40:18

Avek ki alor ou pou konpar Bondye? Lekel ki resanble li?

Psonm 89:8

SENYER, Bondye liniver! Lekel ki osi pwisan ki ou, SENYER? Ou fidelite i antour ou.

Nonm 16:5

I ti dir Kore ek son kominote antye: Demen bomaten, SENYER pou fer konnen lekel ki pour li e lekel ki sen, lekel ki i pou les prezant devan li. I pou les sa enn ki i pou swazir pour apros devan li.

Zeremi 12:5

La sa ki SENYER ti deklare: Zeremi! Si ou fatige fer lakours avek en zonm, ki mannyer ou pou kapab fer lakours avek en seval? Si ou pa santi ou an sekirite dan en pei trankil, ki ou pou fer si ou dan bann gran zerb obor larivyer Zourden?

Zeremi 30:21

Zot sef pou enn parmi zot, SENYER i deklare. Sa enn ki pou diriz zot, pou enn parmi zot. Mon pou fer li vin pre avek mwan, e i ava apros mwan. Annefe, lekel ki pou oze apros mwan san ki mon'n envit li, SENYER i deklare.

Zeremi 50:15

Kriye, fer tapaz dan tou kote lavil kont li. Fer tapaz avek aklamasyon lager. Babilonn in rann zarm. Son bann lavil fortifye in tonbe, son bann miray in ganny kraze.

Zakari 11:3

Ekout bann berze ki pe plennyen, akoz zot laglwar in disparet. Ekout bann lyon ki pe kriye, akoz lafore dan bor larivyer Zourden in ganny detri.

Ezai 48:14

Rasanble e ekoute zot tou! Lekel parmi zot ki'n deza anons tousala? Sa enn ki SENYER i kontan pou realiz sa ki i'n deside kont Babilonn e son lebra pou leve kont bann Babilonyen.