Zeremi 50:4 - Labib An Kreol Seselwa

⁴ La sa ki SENYER i deklare: Dan sa bann zour, dan sa letan, bann zabitan Izrael ek bann zabitan Zida, pour retourn ansanm. Zot pou vin rod mwan an pleran, mwan, SENYER, zot Bondye.

Zeremi 50:4 ပူးပေါင်းရင်းမြစ်များ

2 Kronik 7:14

si mon pep ki port mon non, i imilye li, priye e rod mwan; si zot abandonn zot bann move kondwit, mon pou ekout zot depi lao dan lesyel, e pardonn zot pese e geri zot pei.

Psonm 105:4

Tourn ver SENYER e rod son pwisans! Rod kontinyelman son prezans!

Ezai 14:1

Me SENYER pou pran konpasyon pour Zakob e swazir Izrael ankor; i pou fer li viv anpe lo son prop later. Bann etranze ava zwenn avek li pour form parti desandan Zakob.

Ezai 45:19

Mon pa'n koz an sekre dan en pei ki dan fernwanr. Mon pa ti dir avek bann desandan Zakob: Rod mwan dan vid! Mwan SENYER, sa ki mon i vre. Sa ki mon dir i drwat.

Ezai 55:6

Rod SENYER letan zot ankor kapab trouv li, apel li letan i lanmenm pros.

Ezai 63:4

Sa zour, vanzans ti dan mon leker; lannen delivrans pour mon pep ti'n arive.

Zeremi 31:31

Sa letan pe vini, SENYER i deklare, kan mon pou fer en nouvo lalyans avek pep Izrael ek pep Zida.

Zeremi 33:15

Dan sa bann zour e dan sa letan, mon pou swazir en vre desandan pour David. I pou fer respekte lalwa ek lazistis partou dan pei.

Zeremi 41:6

Alor, Ismael, garson Netanya, ti sorti dan Mispa, pour al rankontre sa bann zonm. I ti plere an alan. Kan i ti rankontre zot, i ti dir zot: Vin kot Gedalya, garson Ahikanm.

Ezekyel 16:61

Ou ava rapel tou sa ki ou'n fer e ou ava onte kan ou ava resevwar ou gran ser ek ou pti ser; mon pou fer zot vin ou bann fiy. Me sa napa okenn rapor ant mon lalyans ek ou.

Ezekyel 39:25

La sa ki Senyer BONDYE i deklare: Dezormen, mon pou pran pitye pour pep Izrael, mon pou sanz desten desandan Zakob; mon pou reklanm respe pour mon non sen.

Oze 1:11

Pep Zida ek pep Izrael pou rasanble ansanm. Zot pou swazir en sel sef. Zot pou pran posesyon zot pei; sa pou en gran zour pour Zizreel.

Oze 11:10

Zot pou swiv SENYER ki pou kriye parey en lyon. Kan i kriye, son bann zanfan pou taye sorti dan Was an tranblan.

Oze 3:5

Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

Oze 6:1

Zot dir: Annou retour ver SENYER. I'n desir nou, me i ava geri nou. I'n bles nou, me i ava pans nou blesir.

Zoel 2:12

La sa ki SENYER i deklare: Retourn kot mwan avek tou zot leker: Zennen, plere, lamante.

Zakari 12:10

Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.

Let Zak 4:9

Rekonnet zot lanmizer, plere e lamante! Sanz zot sourir an pler, zot lazwa an tristes.