Zeremi 50:34 - Labib An Kreol Seselwa

³⁴ Me zot defanser i for. Son non i SENYER liniver. I pour entervenir dan zot faver, pour ki i anmenn lape dan pei, me ki i fer tranble bann zabitan Babilonn.

Zeremi 50:34 ပူးပေါင်းရင်းမြစ်များ

2 Kronik 6:39

depi lao dan lesyel kot ou reste, ekout zot lapriyer, zot siplikasyon e defann zot drwa. Pardonn zot pese ki zot in komet kont ou.

Liv Zob 19:25

Mwan, mon konnen ki mon redanmter i vivan e ki anfen, i pou leve lo sa later.

Psonm 35:1

SENYER! Akiz sa bann ki akiz mwan. Atak sa bann ki atak mwan.

Psonm 43:1

Mon Bondye! Rann lazistis. Defann mon drwa kont sa pep enfidel. Vin delivre mwan kont bann manter ek bann malfeter!

Egzod 6:6

Alor, dir bann Izraelit: Mwan menm SENYER, mon pou tir zot anba latas bann Ezipsyen e mon pou delivre zot anba lesklavaz ki zot pe sibir. Par mon pwisans, par mon bann gran zizman, mon pou liber zot.

Proverb 22:23

SENYER ava pled pour zot e pran lavi sa bann ki'n pran tou avek zot.

Proverb 23:11

akoz son defanser i pwisan, i ava pled son ka kont ou.

Ezai 41:14

La sa ki SENYER i deklare: Zakob! Ou zis en lever. Me pa bezwen per, akoz mon pou vin sekour ou. Ou Sover, se li menm Bondye Sen dan Izrael!

Ezai 43:14

La sa ki SENYER ou Sover, Bondye Sen Izrael, i deklare: Akoz ou, ki mon pou anvoy en dimoun kont Babilonn. I pou defons tou bann laport lavil e bann selebrasyon bann Kaldeen pou tourn an lamantasyon.

Ezai 44:6

La sa ki SENYER, lerwa Izrael son Sover, SENYER liniver i deklare: Mwan menm premye, mwan menm dernyen. Apard mwan, napa okenn lot Bondye.

Ezai 47:4

Nou sover i apel SENYER liniver. Li menm Bondye Sen, Izrael!

Ezai 49:25

La sa ki SENYER i deklare: Menm prizonnyen en diktater pou ganny libere, pou ganny arase avek en tiran. Annefe, mon pou atak bann ki atak ou e mon pou sov ou bann zanfan.

Ezai 51:22

La sa ki SENYER, ou Bondye ki defann lakoz son pep i deklare: Mon pe tir dan ou lanmen lakoup mon lakoler ki fer ou drive. Ou pa pou bwar ankor dan lakoup mon lakoler.

Ezai 54:5

akoz ou mari, li menm ou Kreater; son non i SENYER liniver. Sa enn ki Sen dan Izrael, li menm ki ou Sover, i apel Bondye later antye.

Zeremi 10:16

Me Bondye Izrael i pa parey zot. In kre liniver e in swazir Izrael koman son prop pep. SENYER liniver i son non.

Zeremi 15:21

Mon pou aras ou dan zot lanmen. Mon pou sov ou kont dimoun vyolan, SENYER i deklare.

Zeremi 30:20

Sityasyon bann desandan ava parey i ti ete avan; Lakominote ava rasanble devan mwan. Mon pou pini sa bann ki oule kraz zot.

Zeremi 31:11

SENYER in delivre bann zabitan Izrael dan lanmen en lennmi ki ti tre pwisan.

Zeremi 31:35

La sa ki SENYER i deklare: Lekel ki donn soley pour klere pandan lizour? Lekel ki komann lalin ek bann zetwal pour klere lannwit? Lekel ki fer lanmer azite e laroul ronfle? Sa i SENYER liniver.

Zeremi 32:18

Ou ti montre ou fidelite anver plizyer zenerasyon. Me ou osi pini zanfan pour pese ki zot paran e zot gran paran i fer. Ou menm Bondye ki gran e for; ou menm ki nou apel SENYER liniver.

Zeremi 48:15

Lennmi in atak bann lavil; zot in detri Moab. Son bann meyer zennzan in ganny masakre. Lerwa ki apel SENYER liniver, i deklare.

Zeremi 51:19

Me Bondye Izrael i pa parey zot. In kree liniver e in swazir Izrael koman son prop pep. SENYER liniver i son non.

Zeremi 51:36

La sa ki SENYER ti deklare: Mon pou pled ou ka e mon pou vanz dan ou plas. Mon pour fer sek lanmer Babilonn e fer sek son sours.

Lamantasyon 3:58

SENYER! Ou'n pran mon defans; ou'n sov mon lavi.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Mise 4:10

Zabitan Zerizalenm! Pliy an de e plennyen, parey en fanm dan lakousman. La aprezan, ou ava kit lavil pour al kanpe dan laplenn, ou pou al Babilonn. Apre, ou ava ganny delivre. Laba, SENYER ava sov ou dan lanmen ou bann lennmi.

Mise 7:9

Mon bezwen siport lakoler SENYER, akoz mon'n fer pese kont li. Me i pou defann mon lakoz ek mon drwa. I pou anmenn mwan dan lalimyer e mon pou war son lazistis.

Revelasyon 18:8

Pour sa rezon, dan en sel zour, son bann fleo, lanmor, dey ek lafanmin, pou tonm lo li. I pou ganny zete dan dife. Annefe, Senyer Bondye ki ziz li, i pwisan.