Zeremi 50:32 - Labib An Kreol Seselwa

³² Sa nasyon ki vantar, pour fer en fo pa e i pou tonbe. Personn pa pour vin ed li. Mon pour met dife avek son bann lavil e tou sa ki otour li, pour ganny detri.

Zeremi 50:32 ပူးပေါင်းရင်းမြစ်များ

Psonm 119:78

Fer onte bann orgeye ki trenn mwan dan labou. Mwan, mon pou medit lo ou bann direktiv.

Proverb 16:18

Lorgey i vin avan dezas; larogans i vin avan larin.

Proverb 18:12

Avan katastrof, leker en zonm i ranpli avek lorgey; me limilite i vin avan loner.

Zeremi 21:14

Mon pou fer ou rann kont, dapre ou bann aksyon, SENYER i deklare. Mon pou met dife avek ou lafore; sa dife pou bril tou sa ki dan zalantour.

Zeremi 49:27

Mon pou met dife dan bann miray Damas. Sa dife pou bril pale lerwa Benn-Hadad.

Zeremi 51:26

Okenn ros pa pou kapab servi koman pyer fondasyon, oubyen pour konstriksyon. Ou pou en dezer pour touzour, SENYER i deklare.

Zeremi 51:64

Ou ava dir: Konmsa ki Babilonn pou koule. I pou koule e i pa pou zanmen leve ankor, akoz bann pinisyon ki mon pe fer vin lo li. Bann parol Zeremi i fini la.

Danyel 5:20

Me letan son leker ti ranpli avek lorgey e dan son lespri ti annan larogans, i ti ganny tire lo son tronn e ganny arase son loner.

Amos 1:10

mon pou met dife kont miray lavil Tir e i pou detri tou son bann pale. Kont bann Edomit

Amos 1:12

Alor, mon pou met en dife dan Temann, e i pou detri bann pale Bosra. Kont bann Amonit

Amos 1:14

mon pou met dife dan Raba, e i pou detri tou son bann pale. Sa zour pou annan gran fraka lager, tanpet avek loraz.

Amos 1:4

mon pou met dife dan pale Hazael, e i pou bril bann pale Benn-Hadad.

Amos 1:7

mon pou met dife kont miray Gaza, e detri son bann pale.

Amos 2:2

mon pou met dife dan pei Moab, e i pou bril tou bann pale dan Keriot. Bann zabitan Moab pou mor dan gran fraka lager avek tapaz tronpet.

Amos 2:5

Mon pou met dife dan Zida ki pou bril tou bann pale dan Zerizalenm. Zizman kont Izrael

Amos 5:2

Izrael, sa zenn fiy vyerz, in tonbe e personn pa pou lev li! I'n tale ater dan son pei; napa personn pour lev li.

Deterononm 32:22

Annefe, en dife in ganny alimen par mon lakoler ki pe brile ziska dan fon lemonn lanmor. I devor later ek tou sa ki i prodwir. I bril ziska fondasyon bann montanny.

Revelasyon 18:8

Pour sa rezon, dan en sel zour, son bann fleo, lanmor, dey ek lafanmin, pou tonm lo li. I pou ganny zete dan dife. Annefe, Senyer Bondye ki ziz li, i pwisan.