Zeremi 50:2 - Labib An Kreol Seselwa

² Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Zeremi 50:2 ပူးပေါင်းရင်းမြစ်များ

Psonm 64:9

Tou dimoun pou per; zot pou proklanm travay Bondye, e medit lo sa ki i'n fer.

Psonm 96:3

Proklanm son grander parmi tou bann nasyon; rakont son bann mervey parmi tou bann pep.

Psonm 97:7

Zot devre onte, zot ki ador zidol, zot ki fyer avek zot bann zidol initil. Tou sa bann zidol i prosternen devan SENYER.

Ezai 12:4

Sa zour, ou pou dir: Loue SENYER, envok son non. Fer bann nasyon konnen tou bann mervey ki i'n fer.

Ezai 13:2

Lev en bannyer lo latet en montanny dezer. Kriy byen for; fer siny avek zot lanmen pour zot antre par laport bann gran dimoun.

Ezai 21:9

Gete! La zot vini, de par de, lo seval! I ti reponn: Babilonn in tonbe! Babilonn in tonbe! Tou son bann zidol ki zot adore in fannen ater.

Ezai 37:19

Zot in bril zot bann bondye. An realite zot pa ti bann bondye, me travay fer par lanmen zonm avek dibwa ek ros. Alor, zot in ganny detri.

Ezai 39:1

Dan sa menm letan, lerwa Merodak-Baladann, garson Baladann ki sorti Babilonn, ti anvoy let ek kado pour Ezekyas, akoz i ti'n tande ki i ti malad e i'n geri.

Ezai 46:1

Bel in tonm azenou; Nebo in kourbe. Zot bann zidol in ganny met lo ledo zannimo e lo ledo bef. Avan, zot ti fer gran seremoni. Aprezan, zot saroy li lo ledo zannimo ki fatige.

Ezai 48:20

Sorti dan Babilonn! Sove! Kit bann Kaldeen. Kriye dan lazwa! Proklanmen! Fer tande ziska dan lot bout later. Dir: SENYER in sov son serviter Zakob.

Ezai 48:6

Ou tande! Get tou sa ki'n arive. Eski ou pa pou anonse? Apartir konmela, mon pe fer ou antann bann keksoz nouvo, bann keksoz ki mon'n gard sekre e ki ou pa ti konnen.

Zeremi 10:11

La sa ki ou ava dir sa bann nasyon: Sa bann bondye ki pa'n kre ni lesyel ni later pou ganny detri lo later e zot pou disparet anba lesyel.

Zeremi 10:15

Zot napa okenn valer, zot en travay ridikil. Zour zizman, zot pou ganny detri.

Zeremi 31:10

Tou bann nasyon! Ekout parol SENYER e al proklanm li dan bann zil elwannyen: SENYER ki ti dispers Izrael, pou aprezan rasanble li. I pou vey lo li parey en berze i gard son troupo.

Zeremi 4:16

Zot pe vin averti bann nasyon e fer Zerizalenm konnen ki lennmi pe vini, sorti lwen.

Zeremi 4:6

Met en poto pour montre direksyon Siyon. Pa tarde al rod en labri. Pa aret dan semen. SENYER pe anvoy en dezas e en gran destriksyon sorti dan Nor.

Zeremi 46:14

Al anons sa nouvel dan bann lavil Lezip, dan Migdol, Menmfis, Tafanes: Debout! Met zot pare; akoz lager in deza detri zot vwazen!

Zeremi 50:46

Kan Babilonn pou ganny kaptire, later pou tranble; son bann apel osekour pour ganny tande parmi bann nasyon.

Zeremi 51:12

Donn sinyal pour atake! Ogmant kantite santinel! Met bann zonm dan maske, pare pour zot atak dimoun ki oule sove. Wi! SENYER in akonpli sa ki i ti dir i pou fer kont bann zabitan Babilonn.

Zeremi 51:27

Anonse dan tou pei! Fer soufle tronpet parmi bann nasyon! Mobiliz bann nasyon pour fer lager kont Babilonn! Konvok bann rwayonm Ararat, Mini, Askenaz pour zot atake. Nonm en sef pour diriz latak. Anvoy bann seval atake, parey lesen sotrel.

Zeremi 51:31

Enn deryer lot, bann mesaze pe taye pour dir lerwa Babilonn ki son lavil in ganny anvai par tou kote.

Zeremi 51:44

Mon pour pini Bel, bondye Babilonn. Mon pou fer li rann tou sa ki i'n vole. Bann nasyon pa pou ador Bel ankor. Miray Babilonn in tonbe.

Zeremi 51:47

Sa zour pe vini kan mon pou azir kont bann fo bondye ki dan Babilonn. Pei antye pou dan laont. Lekor tou bann zabitan ki'n ganny blese anmor pou tale ater partou dan pei.

Zeremi 51:52

Alor, la sa ki SENYER i deklare: Sa letan pe vini, kan mon pou pini bann fo bondye ki dan Babilonn. Tapaz dimoun blese ki pe plennyen pour ganny tande partou dan pei.

Zeremi 51:8

En sel kou, Babilonn in tonbe e in ganny detri. Sant bann kantik dey lo li. Met en kataplas lo son boubou; kekfwa i ava kapab ganny geri!

Zeremi 52:31

Dan lannen ki Evil-Merodak ti vin lerwa Babilonn, i ti grasye Yoyakin, lerwa Zida, ki i ti fer sorti dan prizon. Sa ti ariv lo vennsenkyenm zour, trwazyenm mwan, trannsetyenm lannen apre ki Yoyakim ti'n ganny deporte.

Zeremi 6:18

Alor! Zot, bann nasyon! Ekout byen sa ki mon pou fer sa pep.

Danyel 1:2

SENYER ti livre Yoyakim, lerwa Zida, dan lanmen Naboukodonozor, avek serten bann istansil tanp Bondye. Naboukodonozor ti anmenn sa bann istansil dan pei Sinear e met zot dan lasal trezor son bann bondye.

Danyel 3:14

Naboukodonozor ti demann zot, “Sadrak, Mesak ek Abed-Nego, eski i vre ki zot pa servi mon bann bondye e ki zot refize ador sa stati annor ki mon'n fer?

Sofoni 2:11

SENYER pou azir dan en fason terib kont zot. I pou detri tou bann bondye lo later. Bann nasyon dan bann zil lwenten, pou prosternen devan li.

Revelasyon 18:2

I ti kriye avek en lavwa for: I'n tonbe! Gran Babilonn in tonbe! I'n vin landrwa reste pour bann demon, en landrwa reste pour tou bann lespri enpir; en landrwa kot tou kalite zwazo enpir e degoutan i reste.