Zeremi 50:18 - Labib An Kreol Seselwa

¹⁸ Alor, la sa ki SENYER liniver, Bondye Izrael i deklare: Mon pou pini Naboukodonozor ki lerwa sa pei, parey mon ti pini lerwa Asiri.

Zeremi 50:18 ပူးပေါင်းရင်းမြစ်များ

Ezai 10:12

Ler SENYER ava fini tou son travay lo Montanny Siyon e lo Zerizalenm, i pou pini lerwa Asiri pour son larogans ek son lorgey.

Zeremi 27:7

Tou bann nasyon pou servi li, son garson ek son pti zanfan, ziska ler son zour ava vini. Alor, bann nasyon ek bann lerwa pli pwisan ki li pour fer li lesklav.

Zeremi 46:10

Sa zour, i zour Senyer BONDYE liniver: Sa zour, i en zour revanz. Sa zour, i pou pini son bann lennmi. Lepe, parey en mons pe devor zot avek gran lapeti, e bwar zot disan ziska ler i sou. Ozordi, dan Nor, obor larivyer Efrat, sakrifis pe ganny ofer an loner Senyer BONDYE liniver.

Nahoum 3:18

Lerwa Asiri! Ou bann sef pe dormi; ou bann gerye nepli bouze. Ou pep in ganny disperse lo bann montanny; napa personn pour rasanble zot.

Nahoum 3:7

Tou sa ki pou war ou pou taye. Zot pou dir: Lavil Niniv in ganny detri; lekel ki pou pler lo li? Kote mon pou rod rekonfor pour ou?

Habakouk 2:8

Akoz ou'n depouy en kantite nasyon, akoz ou'n fer disan imen koule, akoz vyolans dan pei, dan lavil e kot tou son bann zabitan, leres bann pep pou depouy ou.

Deterononm 32:41

si mon fit mon lepe klate e mon lanmen i pronons zizman, mon pou vanz mon bann ladverser e pey an retour sa bann ki ay mwan.