Zeremi 50:14 - Labib An Kreol Seselwa

¹⁴ La sa ki SENYER i deklare: Zot tou ki tir lark! Met zot pare. Viz lo li. Tir tou zot bann fles kont li, akoz zot in komet pese kont SENYER.

Zeremi 50:14 ပူးပေါင်းရင်းမြစ်များ

2 Samyel 10:9

Zoab ti remarke ki i ti devre fer fas avek de fron batay, devan deryer, i ti swazir meyer solda larme Izrael, e plas zot an pozisyon anfas bann Siriyen.

Psonm 51:4

Kont ou, kont zis ou ki mon'n fer sa ki mal; devan ou ki mon'n fer sa. Alor, ou annan rezon kan ou pronons ou santans e zizman ki ou rann i zis.

Ezai 13:4

Ekout sa tapaz ki sorti dan montanny! I parey en gran lafoul. Ekout sa soulevman bann rwayonm, bann nasyon ki'n rasanble! Sa SENYER liniver ki pe enspekte son bann troup avan konba.

Ezai 5:28

Zot bann dart i byen pwent, zot in byen ris zot fles. Sabo zot bann seval i dir koman ros e larou zot bann kales i vire parey tourbiyon.

Zeremi 46:9

Bann seval! Atake. Bann kales lager! Bann gerye ki sorti Letyopi ek Pout; ki mannye bann boukliye; lezot gerye ki sorti Loud e ki konn mannye fles! Fonse.

Zeremi 49:14

Mon'n ganny en mesaz sorti kot SENYER. In anvoy en mesaze pour anons bann nasyon: Rasanble zot ansanm kont Edonm; leve pour fer lager!

Zeremi 49:35

La sa ki SENYER liniver i deklare: Mon pou detri tou bann gerye arme avek fles e ki fer lafors Elanm.

Zeremi 50:11

Pep Babilonn! Ou kontan, ou dan lazwa. Ou'n pran tou sa ki pour mwan. Ou pe sote parey en zenis dan laplenn; ou kriye parey en seval.

Zeremi 50:29

Rasanble tou bann ki konn tir fles! Anvoy zot atak lavil Babilonn. Fer zot anserkle li. Pa les personn sove! Fer li pey tou sa bann dimal ki i'n fer. Tret li parey in tret lezot, akoz in azir avek lorgey kont mwan, SENYER, Bondye sen Izrael.

Zeremi 50:42

Zot lev bann fles ek bann lans; zot kriyel e san pitye. Tapaz ki zot fer lo zot seval e parey en lanmer dan move tan. Zot in pare pour atak ou, Babilonn ki zoli.

Zeremi 50:7

Zot in ganny devore par tou dimoun ki war zot. Zot bann lennmi ti dir: Nou pa'n fer nanryen mal, akoz sa bann zans in komet pese kont SENYER ki zot vre berze, lespwar zot bann zanset.

Zeremi 50:9

Mon pe soulev en group bann gran nasyon for sorti dan pei Nor. Mon pour anvoy zot atak Babilonn. Zot pou pran zot pozisyon pour latak e zot pou kaptir lavil. En konbatan adrwa ki viz byen, pa zanmen mank son mark. En konbatan adrwat ki viz byen pa zanmen mank son mark.

Zeremi 51:2

Mon pou anvoy bann etranze kont Babilonn ki pou vid sa pei. Zot sorti dan tou kwen. Sa zour la, zot pou vin par tou kote e zot pou ravaz pei.

Zeremi 51:27

Anonse dan tou pei! Fer soufle tronpet parmi bann nasyon! Mobiliz bann nasyon pour fer lager kont Babilonn! Konvok bann rwayonm Ararat, Mini, Askenaz pour zot atake. Nonm en sef pour diriz latak. Anvoy bann seval atake, parey lesen sotrel.

Zeremi 51:3

Pa donn sa bann ki tir fles, letan pour zot redi zot lark, ni met zot lenz konba. Pa pran pitye pou okenn son bann zennzan! Detri tou son bann gerye.

Habakouk 2:17

Vyolans kont Liban pou tourn kont ou; destriksyon bann zannimo pou fer ou per akoz disan imen, akoz vyolans kont pei, kont lavil e kont son bann zabitan.

Habakouk 2:8

Akoz ou'n depouy en kantite nasyon, akoz ou'n fer disan imen koule, akoz vyolans dan pei, dan lavil e kot tou son bann zabitan, leres bann pep pou depouy ou.

Revelasyon 17:5

Lo son fron ti'n ekri en non sekre: Gran Babilonn, manman tou bann prostitye ek tou bann aksyon degoutan lo later.

1 Samyel 17:20

David ti leve granmaten, kit troupo avek en gardyen, pran sa bann provizyon e ale, parey Zese ti'n ordonn li. Ler ti ariv dan kan, bann zonm ti pe al lo fron akonpannyen laklamasyon lager.