Zeremi 50:12 - Labib An Kreol Seselwa

¹² Me ou manman ki ti met ou omonn, in ganny kouver avek laont; in perdi tou son loner. I pou vin dernyen parmi bann nasyon; i pou vin en pei dezer, en later sek, kot napa delo.

Zeremi 50:12 ပူးပေါင်းရင်းမြစ်များ

Ezai 14:22

La sa ki SENYER liniver i deklare: Mon pou leve kont zot; mon pou fer disparet sa non Babilonn, son bann zabitan ki'n reste vivan, son bann zanfan e tou zot bann desandan apre zot.

Ezai 23:13

Get pei bann Kaldeen: Sa pep nepli egziste! Bann Asiriyen ti'n fer li vin en pei zannimo sovaz. Zot ti konstri bann tour pour sirveyans. Zot ti detri son bann pale. Zot in fer li vin en ta debri.

Zeremi 12:14

La sa ki SENYER i deklare: Tou mon bann move vwazen ki'n rin sa pei ki mon'n donn mon pep Izrael, mon pou derasin zot dan zot pei, parey ou derasin en plant. Mon pou osi derasin parmi zot, bann zabitan Zida.

Zeremi 15:9

Sa manman ki ti'n fer set zanfan in perdi konnesans; i pe mank respirasyon. Son lalimyer in sanz an fernwanr. In ganny kouver avek laont; in perdi son loner. Mon pou les lennmi touy tou sa ki ankor vivan, SENYER i deklare.

Zeremi 22:6

Annefe, la sa ki SENYER i deklare kont pale lerwa Zida: Pour mwan, ou osi zoli ki lafore Galaad, ki latet montanny Liban. Me san fot, mon pou fer ou vin en dezer, en lavil san zabitan.

Zeremi 25:12

Apre sa 70 an, mon pou pini zabitan Babilonn ek son bann lerwa pour zot pese, SENYER i deklare. Mon pou detri sa pei e les li an rin pour touzour.

Zeremi 25:26

tou bann lerwa sorti dan Nor, pros oubyen lwen, enn apre lot, e tou bann rwayonm partou lo later, zot ti bezwen bwar dan sa lakoup. Dernyen dimoun ki ti bwar, ti lerwa Babilonn.

Zeremi 49:2

Pour sa rezon, sa zour pe sirman vini, SENYER i deklare, kan tapaz lager pou rezonnen dan Raba, lavil bann Amonit. Sa lavil pou vin en ta debri; son bann vilaz pou ganny brile. Alor, Izrael ava kapab repran son posesyon avek sa bann ki ti'n pran li.

Zeremi 51:43

Pa gou war son bann lavil; zot in vin en dezer kot personn pa reste, kot personn pa ni menm pase.

Zeremi 51:47

Sa zour pe vini kan mon pou azir kont bann fo bondye ki dan Babilonn. Pei antye pou dan laont. Lekor tou bann zabitan ki'n ganny blese anmor pou tale ater partou dan pei.

Galat 4:26

Me Zerizalenm dan lesyel i lib; li menm nou manman.

Revelasyon 17:5

Lo son fron ti'n ekri en non sekre: Gran Babilonn, manman tou bann prostitye ek tou bann aksyon degoutan lo later.