Zeremi 5:9 - Labib An Kreol Seselwa

⁹ Pa i'n ler pour mwan pini zot pour tousala, SENYER i deklare? Pa mon bezwen pran mon revanz lo en tel nasyon?

Zeremi 5:9 ပူးပေါင်းရင်းမြစ်များ

Proverb 6:29

Sa i parey pour sa enn ki dormi avek fanm son prosen; sa enn ki tous li pour pey konsekans.

Ezai 1:24

La sa ki SENYER Bondye liniver, BONDYE Toupwisan Izrael i deklare: Maler! Mon pou revanz lo mon bann lennmi. Mon pou tourn kont mon bann ladverser.

Ezai 57:6

Parmi bann ros poli dan vale, sanmenm sa par ki vin pour zot. Zot in ofer sakrifis labwason; zot in anmenn sakrifis sereal. Eski zot krwar ki tousala i kapab apez mwan?

Zeremi 23:2

Akoz tousala, la sa ki SENYER, Bondye Izrael, i deklare kont sa bann berze ki sipoze pran swen son pep: Zot pa'n okip mon troupo; zot in dispers li dan tou kote. Alor, mwan ki pou okip zot e pini zot mannyer fer, SENYER i deklare.

Zeremi 32:31

Depi zour ki lavil Zerizalenm ti ganny konstri, e ziska ozordi, son bann zabitan in provok mwan e fer mon lakoler monte. Pour sa rezon ki mon pou fer li disparet.

Zeremi 44:22

SENYER ti nepli kapab siport zot bann move aksyon e bann pratik degoutan ki fer onte; pour sa rezon, zot pei in vin en ta debri, konpletman devaste, en size malediksyon, san okenn zabitan. Tou dimoun i konn sa.

Zeremi 5:10

Mont lo bann miray, detri plantasyon rezen, me pa konpletman. Koup son bann brans akoz zot pa pour SENYER.

Zeremi 5:29

Pa fodre mon pini sa bann dimoun pour sa, SENYER i deklare? Pa fodre mon revanze kont en nasyon parey?

Zeremi 6:11

Mon ranpli avek lakoler SENYER, ki bril dan mwan; mon nepli kapab tenir. Tir ou lakoler lo bann zanfan dan lari, lo tou bann zennzan. Tou dimoun pou ganny deporte, mari ek fanm; menm bann vyeyar. Personn pa pou ganny eparnyen.

Zeremi 6:6

La sa ki SENYER liniver i deklare: Koup pye dibwa pour fer en baraz kont Zerizalenm. Sa lavil i bezwen ganny pini, akoz i ranpli avek vyolans.

Zeremi 9:8

Zot lalang i parey en dart anpwazonnen. Zot touzour koz manti. Sakenn i dir dibyen devan son vwazen; me dan son leker, i pe prepar plan pour fer li ditor.

Zeremi 9:9

Bann zans parey, pa mon pou bezwen fer zot rann kont? Pa mon pou bezwen tir mon vanzans lo en tel nasyon?

Lamantasyon 3:42

Nou'n fer pese e nou'n revolte kont ou; me ou pa'n pardonn nou.

Lamantasyon 4:22

Zerizalenm in pey pour son pese; SENYER pa pou gard zot annegzil. Me SENYER pou pini bann zabitan Edonm; i ava ekspoz zot pese.

Ezekyel 7:9

Mon pa pou pran konpasyon pour ou; mon pa pou montre okenn pitye pour personn. Mon pou fer ou peye pour tou ou move kondwit; ou bann aksyon degoutan pou ganny revele. Alor, ou ava konnen ki mwan SENYER ki pe tap ou.

Oze 2:13

Mon pou fer li peye pour letan ki i'n pase avek bann Baal. I ti ofer zot lansan. I ti abiye dan bag ek kolye pour zot. I ti swiv son bann galan, me mwan, i ti oubliye. SENYER ki deklare.

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Levitik 18:25

Pei osi in vin enpir. Mon'n pini li akoz son bann fot e pei menm ti vomi son bann zabitan.

Levitik 26:25

Mon pou anvoy lager kont zot, pour pini zot akoz mon lalyans. Si zot al pran refiz dan bann lavil, mon pou anvoy lepidemi parmi zot, e zot ava tonm dan lanmen lennmi.

Nahoum 1:2

SENYER i en Bondye zalou ki vanze. SENYER i tir vanzans, e i tre ankoler. SENYER i revanz lo son bann ladverser, e gard son lakoler kont son bann lennmi.

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

Deterononm 32:43

Bann nasyon! Aklanm son pep, akoz SENYER pou vanz disan son bann serviter e son vanzans pou tonm lo son bann ladverser. I ava fer peye sa bann ki ay li e pirifye later son pep.