Zeremi 5:7 - Labib An Kreol Seselwa

⁷ Akfer mon bezwen pardonn pese mon pep? Zot in abandonn mwan, zot in al ador bann fo bondye. Mon'n nouri mon pep ziska zot rasazye. Me zot in komet adilter; zot al pas zot letan kot bann prostitye.

Zeremi 5:7 ပူးပေါင်းရင်းမြစ်များ

2 Kronik 13:9

Pa zot in sas tou bann pret SENYER, bann garson Aaron, ek bann levit e ranplas zot par bann pret parey lezot nasyon i fer? Nenport ki, ki vin avek en toro ek set bouk, ti kapab vin pret en dan servis sa ki pa Bondye.

Liv Zob 31:12

Sa fot ti ava parey en dife ki detri tou, e bril tou mon bann rekolt.

Psonm 50:18

Ou fer zanmi avek en voler ki ou rankontre; ou frekant dimoun ki komet adilter.

Zeremi 12:16

Si zot senserman aksepte pour viv parey mon pep, si zot pret serman lo non SENYER ki vivan parey zot ti ansenny mon pep fer an loner Baal, alor zot osi, zot ava fer parti mon pep.

Zeremi 13:27

SENYER in war ou komet adilter; in tann ou bann tapaz kontantman. In war ou al kot bann fo bondye lo bann montanny e dan laplenn. Malerezman pour ou, Zerizalenm! Ou pa oule swiv mwan pour ou ganny pirifye. Ankor konbyen letan sa sityasyon i kapab dire?

Zeremi 16:11

Alor ou ava dir zot, la sa ki SENYER i deklare: Sa i akoz zot bann zanset in abandonn mwan pour zot al ador e servi bann fo bondye. Zot in abandonn mwan e zot pa'n obei mon komannman.

Zeremi 16:20

Eski zonm i kapab fer son bann bondye, alor ki li menm i pa en vre bondye?

Zeremi 2:11

Zanmen en nasyon in sanz son bondye, menm si i pa bondye. Me mon pep in sanz son loner pour swazir bann bondye ki pa kapab ed li.

Zeremi 2:31

Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Zeremi 23:10

Sa pei i ranpli avek dimoun ki komet adilter. Akoz malediksyon Bondye, pei i an dey, e zerb i konpletman sek. Zot taye pour fer sa ki mal e zot servi zot kouraz pou fer sa ki devret.

Zeremi 3:19

SENYER i deklare: Mon ti'n deside plas ou parmi bann garson prefere e donn ou en zoli pei, pei ki pli zoli omonn. Mon'n oule ki zot apel mwan Papa e ava reste fidel anver mwan.

Zeremi 3:8

In osi war sa ki'n arive avek rwayonm Izrael kan i ti tourn kont mwan. Akoz in komet adilter, mon'n divorse avek li e mon'n sas li. Malgre sa, Zida, son swadizan ser, sa tret, pa'n per mon pinisyon, e li osi, in al dan prostitisyon.

Zeremi 7:9

Zot vole, zot fer krim, zot komet adilter, zot fer fo serman, zot ofer sakrifis Baal, e zot ador bann bondye ki zot pa konnen.

Zeremi 9:1

Si zis mon latet ti en rezervwar delo e mon lizye en sours larm! Mon ti ava kapab plere lizour koman lannwit, pour bann viktim parmi mon pep.

Zeremi 9:2

Si selman mon ti annan en landrwa dan dezer kot mon ti ava kapab ale, lwen avek mon pep! Zot tou, zot en bann tret ki viv dan adilter.

Lamantasyon 3:42

Nou'n fer pese e nou'n revolte kont ou; me ou pa'n pardonn nou.

Ezekyel 22:11

Kot ou, i annan ki komet bann aksyon degoutan avek fanm zot prosen; i annan ki abiz zot belfiy; i annan ki dormi avek zot demi ser, fiy zot papa.

Oze 11:8

Ki mannyer mon pou kapab abandonn Efraim, e debarase avek ou, Izrael? Ki mannyer mon pou kapab tret ou parey Adma, e tret ou parey avek Seboim? Sa lide i boulvers mon leker, mon konpasyon i tro for.

Oze 13:6

Mon ti nouri zot, e zot ti rasazye; zot leker ti fyer e zot ti oubliy mwan.

Oze 4:2

I annan zis malediksyon, mansonz, krim, vol, adilter. Zot pas letan dan vyolans e fer krim enn apre lot.

Oze 7:4

Zot tou, zot in komet adilter. Zot parey en four ki en boulanze i sofe. Me i aret vey dife depi ki i'n petri lapat, ziska ki son lapat in fini leve.

Levitik 20:10

Si en zonm i komet adilter avek fanm son prosen, tou le de, sa zonm adilter ek sa fanm adilter, ava ganny touye.

Amos 8:14

Serten pou fer serman lo non bann fo bondye Samari. Zot pou dir: Par lavi bondye Dann! Par semen sakre ki al Berseba! Zot pou tonbe e pa pou zanmen releve.

Sofoni 1:5

Mon pou fer disparet bann ki mont lo twa zot lakaz pour ador bann zetwal; bann ki prostern devan mwan, me ki anmenmtan pe pret serman lo non Molek.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

1 Korentyen 6:9

Eski zot pa konnen ki bann malfeter pa pou erit Rwayonm Bondye? Pa les zot ganny tronpe: Dimoun san moralite, adorater zidol, adilter, omoseksyel,

1 Korentyen 8:4

Alor, pour sa ki konsern konsonmasyon lavyann ki'n ofer avek zidol, nou konnen ki zidol pa nanryen an realite. Nou konnen osi, ki i annan en sel vre Bondye.

Galat 4:8

Lontan, zot pa ti konn Bondye e zot ti lesklav bann keksoz ki zot ti apel bondye me ki an realite, pa ti li.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Deterononm 32:21

Zot ti rann mwan zalou avek bann fo bondye; zot ti provok mwan avek zot bann zidol. Alor, mon pou rann zot zalou avek bann dimoun ki pa en pep, provok zot avek en nasyon fou.

Ebre 13:4

Maryaz i devre ganny onore par tou dimoun. Mari ek fanm i devre reste fidel anver kanmarad. Bondye pou ziz bann ki anmenn en lavi dezordonnen e adilter.

Let Zak 4:4

Bann adilter ki zot ete! Pa zot konnen ki lanmour pour lemonn i lennmi Bondye? Alor, sa enn ki oule fer zanmi avek lemonn i lennmi Bondye.

Zozye 23:7

Pa bezwen al melanz zot avek sa bann nasyon ki ankor reste obor zot. Zot pa pou servi non zot bann bondye e zot pa pou fer serman lo zot non; zot pa pou servi sa bann bondye, e zot pa pou prosternen devan zot.