Zeremi 5:6 - Labib An Kreol Seselwa

⁶ Pour sa rezon, lyon sorti dan lafore pou atak zot. Loulou sorti dan dezer pou devor zot. Leopar in kasyet pre avek zot lavil. Sa enn ki sorti pou ganny devore. Zot in fer bokou pese; zot in abandonn mwan plizyer fwa.

Zeremi 5:6 ပူးပေါင်းရင်းမြစ်များ

2 Kronik 36:14

Tou bann sef parmi bann pret e parmi lepep, ti vin pli enfidel anver Bondye e zot ti imit bann nasyon dan zot bann pratik degoutan. Zot ti profann tanp SENYER, ki i ti'n konsakre, dan Zerizalenm.

Esdras 10:10

Pret Esdras, ti debout. I ti dir zot, “Zot in komet en fot grav kan zot ti marye avek bann fanm etranze e zot in agrav tor Izrael.

Esdras 9:6

Mon ti dir li: Mon Bondye! Mon kanmi e mon onte pour lev mon lizye ver ou, mon Bondye; nou bann fot in ogmante lo nou latet, e nou tor in akimile ziska dan lesyel.

Liv Zob 10:16

Me konman mon lev latet, ou sas mwan parey en tig. Ou kraz mwan ankor anba ou pwisans.

Psonm 104:20

Ou anvoy fernwanr e lannwit i tonbe; i ler pour bann zannimo lafore sorti.

Psonm 80:13

Bann koson maron sorti dan lafore i vin fer ravaz e tou bann zannimo dan laplenn i vin manze.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezai 59:12

Tou nou fot i la devan ou e nou bann pese i akiz nou. Nou bann fot pa kit nou e nou konn byen nou fot.

Zeremi 14:7

Mon pep i kriy ver mwan: Menm si nou pese i akiz nou, ed nou, SENYER, pour loner ou non. Plizyer fwa nou'n tourn nou ledo kont ou; nou'n komet bokou pese kont ou.

Zeremi 2:15

Zot kriy avek li parey bann zenn lyon ki fer tande zot lavwa. Zot in detri son pei konpletman. Personn pa reste dan bann lavil brile.

Zeremi 2:17

Izrael! Tousala in ariv ou akoz ou'n abandonn SENYER, ou Bondye ler i ti pe gid ou lo ou semen.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Zeremi 2:31

Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Zeremi 25:38

Parey en lyon ki kit landrwa kot i kasyet, SENYER in abandonn sa pei kot i ti pe reste. Akoz bann ravaz ki lager in fer, e vyolans lakoler SENYER, sa pei in vin en dezer.

Zeremi 30:14

Tou ou bann lanmoure in oubliy ou; zot nepli pran ka avek ou. Mon'n atak ou parey en lennmi i fer; mon'n pini ou san pitye, akoz ou bann fot i tre grav e ou'n fer en kantite pese.

Zeremi 30:15

Akoz ou plennyen lo ou bann blesir? Napa okenn remed pour ou. Mon'n pini ou konmsa akoz ou koupab en kantite e ou'n komet bokou pese.

Zeremi 30:24

Sa lakoler vyolan ki sorti kot SENYER, pa pou arete tan ki tou sa ki i'n deside, pa ganny realize. Plitar, zot ava konpran sa.

Zeremi 4:7

Destrikter bann nasyon pe vini. Parey en lyon, in sorti dan son landrwa kasyet. I pou detri zot pei. Zot bann lavil pou ganny detri e reste abandonnen.

Zeremi 49:19

Parey en lyon ki sorti dan brousay obor larivyer Zourden pour vin dan laplenn, mon pou vini e fer tou dimoun taye kot zot. Alor, mon pou etabli en sef ki mon ava'n swazir. Lekel ki kapab konpar li avek mwan? Lekel ki pou oze kontredir mwan? Lekel sa berze ki pou kapab opoz mwan?

Zeremi 8:5

Alor, akoz pep Zerizalenm ki'n egare, i persiste dan son move semen? Zot kontinyen ador bann fo bondye e zot refize retourn ver mwan.

Zeremi 8:7

Menm sigonny i konnen kan pour li kit pei. Tourtrel, zirondel ek griv, zot konn sezon pour zot emigre. Me mon pep pa tenir kont bann regleman ki mon'n donn li.

Lamantasyon 1:5

Son bann ladverser in vin son sef son bann lennmi i trankil. SENYER in fer Zida soufer akoz tou son bann dezobeisans. Son bann zanfan in vin prizonnyen; zot in ganny anmennen annegzil.

Ezekyel 16:25

Dan tou kwen semen, ou ti annan bann lakaz kot ou ti servi ou labote e livre ou lekor avek tou sa ki pase. Tou le zour, ou lavi prostitisyon ti ogmante.

Ezekyel 22:27

Zot bann prens i parey loulou ki desir son viktim. Zot touy dimoun pour akapar zot byen.

Ezekyel 23:19

Me i ti'n tonm pli ba ankor dan son prostitisyon, parey i ti fer Lezip, pandan son lazenes.

Danyel 7:4

Premye bebet ti parey en lyon. I ti annan lezel leg. Pandan ki mon ti pe gete, i ti ganny arase son bann lezel. I ti ganny leve par lao later e i ti debout lo son de lapat deryer parey en imen, e i ti ganny en lespri imen.

Danyel 7:6

Apre sa, mon ti war en trwazyenm bebet. I ti parey en leopar ki ti annan kat lezel zwazo lo son ledo, ek kat latet. I ti resevwar pouvwar pour domin lemonn.

Oze 5:14

Annefe, mon pou parey en lyon pour Efraim, e parey en zenn lyon pour pep Zida. Mon pou desir li, apre mon pou ale. Sa ki mon pou anmenn avek mwan, personn pa pou kapab delivre li.

Habakouk 1:8

Zot bann seval i pli rapid ki bann leopar, pli feros ki bann loulou aswar. Zot bann kavalye i atake. Zot bann kales lager i sorti lwen. Zot anvole koman leg kan i atake pour li devore.

Sofoni 3:3

Son bann sef i parey bann lyon ki pe kriye. Son bann ziz i parey bann loulou ki fer lasas aswar. Kan bomaten i fer, zot napa nanryen pour manze.

Nonm 32:14

Aprezan, zot desandan sa bann zonm peser, zot oule swiv legzanp zot zanset? Zot pare pour fer lakoler SENYER tonm pli for lo pep Izrael?

Revelasyon 13:2

Sa bebet ki mon ti war, ti resanble en leopar. Son bann lapat ti parey lapat en lours e son lagel ti parey lagel en lyon. Dragon ti donn li tou son pwisans, son tronn ek en gran pouvwar.