Zeremi 5:26 - Labib An Kreol Seselwa

²⁶ Parmi mon pep, i annan bann ki koupab. Zot parey bann saser zwazo. Zot tal zot lasenn e veye, zot kasyet pour zot atrap dimoun.

Zeremi 5:26 ပူးပေါင်းရင်းမြစ်များ

Psonm 64:5

Zot ankouraz kanmarad dan sa ki mal; zot kalkile kote zot pou met zot latrap; zot dir: Lekel ki pou war nou?

Proverb 1:11

Si zot dir ou: Vin avek nou, annou al kasyet pour fer disan koule; annou atak bann inosan dan sekre.

Ezai 32:7

Bann fourb i mazin zis fer dimal; zot prepar bann konplo pour tronp bann pov avek mansonz, menm si en malere i dan son drwa.

Ezai 58:1

Kriy byen for! Pa per pou fer tande ou lavwa! Fer ou lavwa rezonnen parey en tronpet! Dir mon pep son bann fot e desandan Zakob son bann pese.

Zeremi 18:20

Eski dimoun i rann lemal pour lebyen? Zot in fouy en trou pour fer mwan tonbe. Rapel kan mon ti koz avek ou dan zot faver, pour ki ou pa vin ankoler kont zot.

Zeremi 18:22

Anvoy bann gerye pour detri zot lakaz, pour ki zot ava kriye dan douler. Zot in fouy en trou pour mwan tonm ladan; zot in kasyet bann latrap pour pran mwan par lipye.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Zeremi 9:8

Zot lalang i parey en dart anpwazonnen. Zot touzour koz manti. Sakenn i dir dibyen devan son vwazen; me dan son leker, i pe prepar plan pour fer li ditor.

Mise 6:10

Eski mon kapab kontinyen siport sa bann trezor malaki, sa bann mezir fose e modi dan lakaz bann malfeter?

Mise 7:2

Dimoun ki fidel in disparet dan pei. Nepli annan en sel dimoun onnet. Zot tou, zot pe tranpe pour fer koule disan. Sakenn in met en pyez kont son prosen.

Levanzil dapre Lik 5:10

Zak ek Zan, de garson Zebede, ki ti zanmi lapes Simon, zot osi, zot ti'n sezi. Me Zezi ti dir avek Simon, “Pa per! Dezormen ou pou lapes zonm!”