Zeremi 5:22 - Labib An Kreol Seselwa

²² Mwan SENYER, mon demann ou: Akoz ou napa respe pour mon lotorite? Akoz ou pa tranble devan mwan? Mwan menm ki'n met disab koman en baryer pour lanmer. Sa baryer pou touzour la, e lanmer pa pou zanmen depas li. I kapab azite; sa pa pou servi nanryen. Pli gro laroul pa pou kapab depas li.

Zeremi 5:22 ပူးပေါင်းရင်းမြစ်များ

Zenez 1:9

Alor, Bondye ti dir: Bann delo ki anba lesyel ava rasanble dan en sel landrwa e later ferm ava aparet! Sa ti arive.

1 Rwa 13:28

I ti ale e trouv lekor sa zonm lo semen e sa bourik ek lyon ki ti pe debout akote. Sa lyon pa ti'n manz ni son lekor, ni sa bourik.

Liv Zob 26:10

In tras en serk toultour losean, la kot lalimyer i donn son plas fernwanr.

Liv Zob 37:24

Pour sa rezon, bann imen i devre annan respe pour li, akoz i get bann dimoun ki krwar zot saz.

Liv Zob 38:8

Dir mwan ankor: Lekel ki ti met en baraz pour lanmer ler i ti sorti dan profonder later?

Psonm 104:9

Ou ti fikse balizaz ki zot pa ti devre depase, pour ki delo pa kouver later ankor.

Psonm 119:120

Mon lekor i ganny frison akoz respe devan ou. Ou bann desizyon i fer mwan per.

Psonm 33:7

In rasanble delo lanmer ansanm dan en sel plas. In met delo bann losean dan bann rezervwar.

Psonm 46:3

menm si bann laroul i gronnyen e kimen e bann kolin i sekwe avek vyolans.

Psonm 99:1

SENYER i lerwa. Bann pep! Tranble. Son tronn i par lao bann seriben. Later! Sekwe.

Proverb 8:29

I ti fikse lanmer son bann limit pour ki bann delo pa deborde; e i ti mark bann fondasyon later.

Ezai 50:2

Akoz ti napa personn ler mon ti vini? Akoz personn pa ti reponn ler mon ti apele? Eski mon lanmen i tro kourt pour li nepli kapab sove? Eski mon nepli annan lafors pour delivre ou? Mon parol i ase pour fer lanmer sek e bann larivyer vin en dezer; alor, zot pwason i pouri akoz napa delo e zot mor laswaf.

Ezai 64:2

Parey dife ki bril brousay, parey dife ki bwi delo, fer ou bann lennmi konnen ki ou ete; e bann nasyon ava tranble devan ou!

Ezai 66:5

Ou ki annan respe pour parol SENYER, ekout sa ki i dir: Ou prop frer ki ay ou, ki'n rezet ou akoz mwan, in dir: SENYER i montre ou son laglwar, pour ki nou war zot lazwa. Me se zot ki ganny kouver avek laont.

Zeremi 10:7

Tou dimoun i devre rekonnet ou lotorite, koman lerwa tou bann pep. Ou tousel ki merit ganny sa loner. Parmi tou bann saz omonn, parmi tou bann lerwa, napa ki parey ou.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Zeremi 31:35

La sa ki SENYER i deklare: Lekel ki donn soley pour klere pandan lizour? Lekel ki komann lalin ek bann zetwal pour klere lannwit? Lekel ki fer lanmer azite e laroul ronfle? Sa i SENYER liniver.

Danyel 6:26

Mon ordonnen ki partou dan mon rwayonm, tou dimoun i montre respe ek loner anver Bondye Danyel. Annefe, Bondye i vivan e i viv pour touzour! Son rwayonm pa pou zanmen ganny detri! Son dominasyon pou reste ziska lafen.

Amos 4:12

Izrael! Pour tou sa bann rezon, ou pou war koman mon pou pini ou. Akoz mon pou egzekit mon desizyon, Izrael, prepar ou, pour ou prezant ou devan ou Bondye.

Amos 9:6

Bondye in etabli son demer dan lesyel e kouver later avek en twa. I tir delo dan lanmer pour devers li lo later. SENYER i son non.

Zonas 1:16

Sa bann maren ti ganny en gran lafreyer pour SENYER e zot ti ofer li en sakrifis e fer bann ve.

Nahoum 1:4

I komann lanmer e lanmer i vin sek; i fer sek tou bann larivyer. Laplenn Basann ek Karmel i deperi; fler Liban i fletri.

Matye 10:28

Pa per bann ki touy lekor, me ki pa kapab touy ou et antye. Plito per sa enn ki kapab detri ou lekor ek ou et antye dan lanfer.

Mark 4:39

Zezi ti leve e menas divan. I ti dir avek delo, “Silans! Reste trankil!” Alor, divan ti tonbe, e partou ti kalmi.

Levanzil dapre Lik 12:5

Mon ava montre zot lekel ki zot devre per: Zot devre per sa enn ki kapab touy lekor, e osi annan pouvwar pour zet zot dan lanfer. Mon dir zot: Sanmenm sa enn ki zot devre per.

Deterononm 28:58

Si ou pa obzerv fidelman tou bann parol sa lalwa ki'n ganny ekri dan sa liv, si ou pa onor non glorye e merveye SENYER, ou Bondye,

Revelasyon 15:4

Senyer! Lekel ki pou refize onor ou? Lekel ki pou refize rann ou glwar? Zis ou tousel ki sen. Tou nasyon pou vin ador ou, akoz ou zizman in ganny revele.