Zeremi 5:19 - Labib An Kreol Seselwa

¹⁹ Kan zot ava demann ou akoz mon ti fer tousala, ou, Zeremi, ou ava dir zot: Parey zot in abandonn mwan pour al servi bann bondye etranze dan zot prop pei, zot pou al servi bann etranze dan en pei ki pa pour zot.

Zeremi 5:19 ပူးပေါင်းရင်းမြစ်များ

Zeremi 13:22

Si ou demann ou lekor: Akoz tousala in arive ou? Akoz sa kantite fot ki ou'n fer kan ou rob ti ganny desire e ou ti ganny vyole.

Zeremi 16:13

Pour sa rezon, mon pou sas zot dan sa pei; mon pou anvoy zot dan en pei ki ni zot zanset, ni zot menm zot pa konnen. Laba, zot ava ador bann fo bondye, lannwit koman lizour, e mon pa pou montre zot mon labonte.

Zeremi 17:4

Ou pou bezwen rann sa pei ki mon ti'n donn ou. Mon pou fer ou vin lesklav dan en pei lennmi ki ou pa konn ditou, akoz ou'n fer mon lakoler alimen parey en dife ki pa pou zanmen tennyen.

Zeremi 2:13

Wi! Mon pep in komet de pese: In abandonn mwan, sa sours delo fre, pour al fouy bann pwi ki annan trou e pa gard delo.

Zeremi 2:14

Eski pep Izrael i en lesklav? Eski in ne dan lesklavaz? Akoz alor zot pourswiv li?

Zeremi 2:35

Ou pretann ki ou inosan, e ki mon pa devre pini ou. Akoz ou deklare ki ou pa'n fer nanryen mal, mon pou met ou ankour.

Zeremi 5:18

Malgre sa, SENYER i deklare, mon pa pou detri zot konpletman.

Zeremi 5:20

Al anons sa mesaz avek bann desandan Zakob; fer konnen bann zabitan Zida:

Zeremi 9:12

Eski i annan en dimoun saz pour eksplike akoz sa pei in ganny devaste, e akoz in vin sek parey en dezer kot personn nepli pase?

Zeremi 9:13

SENYER ti reponn: Sa in arive akoz mon pep in abandonn mon lalwa ki mon ti donn li. I pa'n obei mwan e i pa'n swiv sa ki mon ti demann li.

Lamantasyon 5:8

Nou ganny dominen par bann lesklav; personn pa kapab delivre nou dan zot lanmen.