Zeremi 5:15 - Labib An Kreol Seselwa

¹⁵ Zabitan Izrael! Mon pe anvoy kont ou, en pep ki sorti lwen. I pou atak ou. I en pep for e ansyen ki pa'n zanmen perdi okenn lager. Zot pa ni konn son langaz, ni kapab konpran li.

Zeremi 5:15 ပူးပေါင်းရင်းမြစ်များ

Zenez 11:7

Annou desann e brouy zot langaz pour zot pa konpran kanmarad.

Psonm 81:5

Sa i en regleman pour desandan Zozef, kan i ti al lager kont Lezip. Mon antann en lavwa ki mon pa konnen,

Ezai 28:11

Alor, i pou koz avek son pep, avek lalev ki pe tranble e dan en lalang etranze.

Ezai 29:3

Parey David, mon pou anserkle ou avek larme. Mon pou antour ou avek ou bann tour e konstri bann miray pou fer latak kont ou.

Ezai 29:6

SENYER liniver pou azir dan loraz, tranblemandter dan gro tapaz dan gro divan tanpet ek laflanm dife ki bril tou dan son pasaz.

Ezai 33:19

Ou pou nepli war bann arogan, sa pep ki koz en lalang ki ou pa kapab sezi, ki koz dan en lalang ki ou pa kapab konpran.

Ezai 39:3

Profet Ezai ti al kot lerwa Ezekyas. I ti dir li, “Ki sa bann zonm in dir? Kote zot sorti?” Ezekyas ti reponn, “Zot sorti dan en pei lwen, Babilonn, pour zot vin war mwan.”

Ezai 5:26

SENYER pou donn en sinyal bann nasyon ki reste tre lwen; i pou soufle avek en pep ki reste dan profonder later. La i pe vini avek lavites!

Ezai 5:7

Plantasyon rezen SENYER liniver se pep Izrael; Sa plan rezen ki i ti telman kontan, se pep Zida. SENYER ti pe esper ladrwatir sorti ladan, me ti annan zis versman disan. I ti pe esper lazistis, me i ti antann zis bann malere kriye.

Zeremi 1:15

Annefe, mon pe apel tou bann tribi ki reste dan Nor. Tou bann lerwa pou vini; sakenn ava plas son lotorite devan bann laport Zerizalenm. Zot ava anserkle son bann miray e miray tou lezot lavil ki dan rwayonm Zida.

Zeremi 2:26

Me en zour, zot ki reste Izrael, lerwa ek sef, pret ek profet, zot osi, zot pou kouver ek laont parey en voler ki'n ganny atrape.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 4:16

Zot pe vin averti bann nasyon e fer Zerizalenm konnen ki lennmi pe vini, sorti lwen.

Zeremi 5:11

Annefe, lepep rwayonm Izrael ek rwayonm Zida in vreman trai mwan, SENYER i deklare.

Zeremi 6:22

La sa ki SENYER i deklare: En pep ki sorti dan Nor pe vini; sa i en gran nasyon ki sorti byen lwen.

Zeremi 9:26

Lezip, Zida, Edonm, Amonn, Moab e sa bann ki reste dan dezer ki'n raz zot latet. Bann Izraelit i parey: Zot in ganny sirkonsi, me pa zot leker.

Ezekyel 18:31

Abandonn sa bann move aksyon ki ou'n komet kont mwan. Rod en nouvo leker ek en nouvo lespri. Pep Izrael, akoz ou oule lanmor?

Danyel 1:4

Sa bann zennzan ti devre san defo fizik, zoli, doue avek lasazes, konnesans ek disernman. Konmsa zot ava kapab antre dan servis lerwa, ganny ansennyen bann literatir ek langaz Babilonyen.

Danyel 7:7

Apre sa, mon ti kontinyen regard tou sa ki ti dan mon vizyon dan lannwit. Mon ti war en katriyenm bebet. I ti terib e fer per. I ti annan en lafors ekstraordiner. I ti annan bann gran ledan an fer e i ti pe devor tou, kas tou an morso, e kraz anba son lipye tou sa ki reste. I ti diferan avek lezot bebet avan li. I ti annan dis korn.

Amos 6:14

Me SENYER Bondye liniver i deklare: Pep Izrael! Mon pou anvoy en larme etranze ki pou fer ou santi son pouvwar. I pou kraz ou depi Lebo-Hamat dan Nor, ziska larivyer Araba dan Sid.

Habakouk 3:16

Mon tande e mon tranble dan mwan menm; sa tapaz i fer mon lalev tranble; mon bann lezo pe pouri; mon lazanm i tranble. Dan silans, mon atann zour maler, pour fer fas avek sa pep ki vin atak nou.

1 Korentyen 14:21

La sa ki Lekritir i deklare: Mon pou koz avek sa pep, par bann zonm ki koz en lot lalang, e par labous bann etranze. Malgre sa, mon pep pa pou ekout mwan, Senyer i deklare.

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.

Deterononm 28:49

SENYER ava anvoy kont ou en nasyon ki sorti lwen, dan lot bout later, ki ou pa pou konpran son langaz, e ki pou tonm lo ou parey en leg.